Liquids: Identitèdes fluides de la Èlpes

Data

20 de auril 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Na mostra de l’artist fascian Claus Soraperra vegn enaudèda anché, jebia ai 20 de oril da les 5 domesdì, a Trent te Cèsa de la SAT


En jebia ai 20 de oril da les 5 domesdì a Trent te la Cèsa de la SAT - Spazio Alpino (via Manci 57) vegn enaudà la mostra de Claus Soraperra, artist fascian da Grìes de Cianacei e de segur un di esponenc ladins de maor livel de l’èrt entenuda te sie segnificat più lèrch e provocatorie.

L projet espositif - disc l’autor - “vel meter al luster l mudament identitèr en cors te anter la jent de la Èlpes. L svilup sozio-economich te la ultima dejines de egn à far doventèr semper più purec gran pèrt di raions alpins, travers n svilup e na politica de espanscion e zentralisazion respet a la “civitas montana”. Chest à portà a na crisa identitèra e culturèla, con la decadenza sozièla de valores, saeres e tradizions veiores. Te pecia dejines de egn, con la vertola del benstèr, gran pèrt de la Èlpes é states mudèdes te “luna-park” per jir coi schi o per biot devertiment.

Chest mudament, al scomenz estetich e de parbuda, ti egn olache la desferenza anter l redit mesan de la mont e chel di gregn pians se à trop valivà ite, la crisa se à smaorà pian pian sot èga via, metan en crisa no demò l svilup del teritorie, ma ence i valores identitères.”  

La mostra, endrezèda en colaborazion con l’Istitut Ladin “majon di fascegn”, la fèsc pèrt del “Laboratorie alpin e de la Dolomites ben Unesco” de la SAT, e l’à l patrozinie de la Provinzia, del Muse, del Filmfestival de Trent, de Fondazion Dolomites Unesco, TSM e STEP.

La restarà fora enscin ai 16 de mé, e la sarà da poder veder tel “Spazio Alpino” de la Cèsa de la SAT dal lunesc al vender da les 14.00 a les 18.00.


 (lg)

Galaria retrac