500 ani de reformazion udui da Gilbert & George

Data

10 de setember 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I artisć Gilbert & George mët ora si opres tla dlieja de S. Matie a Berlin
l 1517 à Martin Luther (1483 - 1546) prejentà a Wittenberg si 95 teses per na reforma dla dlieja. Si prutesta ie jita contra la ierarchia y l se ngrascé dla dlieja catolica. Chisc cunflic danter la religions ie purtruep do 500 ani mo for n argumënt atuel. Te nosc tëmp se slergia ora la tëma de viers di fulestieres. Sëuraprò vën la desferënzia danter rics y pueresc for majera y majera. La situazion ie feter inò la medema.

Manifestazion per l aniverser

L aniverser dl protestantism vën lecurdà te plu manifestazions. Nteressant iel nce coche i artisć vëija chëst ann de lecurdanza. Savon che l’ert ie for l spiedl de si tëmp y mostra ndiretamënter si situazion spirituela y politica. Perchël iel unì giaurì chëst ann truepa mostres ulache artisć à prejentà si cunscidrazions de viers dl ann dla reformazion, n mumënt dla storia che à purtà de gran mudamënc y inuvazions.

Cunscidrazions de Gilbert & George 

Per nëus dla Ladinia iel povester nteressant a udëi cieche i gran artisć Gilbert & George à da dì de chësc viers. Na gran nuvità ie bele stata chëla che i à metù ora si opres tla dlieja de S. Matie a Berlin, nce sce ëi ne n’ie mei propi stac de dlieja. Ma iusta l argumënt de si opres “Sündenbock Bilder“ fej si azion mo plu provocatëura. I chedri rejona dla tëmes de nosta sozietà multiculturela, multireligëusa y tecnicamënter armeda nchin al col. La jënt proa for a crì zachei da ti dé la gauja. L pluan dla dlieja S. Matie ie cuntënt dla mostra y à dit: “I argumënc y i motifs che Gilbert & George nes mët dan i uedli la posizion radicala che se slergia ora danter la jënt. L duvier dla dlieja da śën ie de lascé ju l sënn y de cialé de ciafië.”

Da liejer deplÙ te La Usc stampeda!