Comentar de Pruma

Data

22 de setember 2017

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L'ultima boteghiera y ostira de paisc
Zacan n de me ponsâi che al n'é pa de morvëia, sce al ó ester aldedaincö tan de psicologs che laora ince te nüsc raiuns. La jënt adora zacai da baié, da ti cunté val', da ti bradlé dant chësc y chël, da baudié porsura chësc y chël. Laota cun l'ostaria y botëga te paisc garatâ chësta „terapia" diretamënter tla picia botëga o ostaria de paisc. La boteghiera y ostira savô da s'la cunté cun te, da te ascuté sö, â dlaurela da ciacolé... y ê datrai ince coriosa da savëi deplü de te. Y la boteghiera y ostira savô spo döt de te, o „feter döt", conesciô bele canche te gnôs da porta ite co che ara te jô y sce te ês lové cun le dër pe. Da canche l'ultima botëga y ostaria te paisc á stlüt, n'éra nia plü da odëi y baié, la boteghiera y ostira. Cun la stlüta dla botëga y ostaria de paisc él gnü chit, y sce al n'é bel val' scior che se perd chiló, ne vëigon degügn che variass te plaza. Cun l'ultima botëga y ostaria che á stlüt, él mort n toch de düc te paisc, l'orëdla y bocia dl paisc. Le bel salüt de bun de y les ciacoles ne roda plü desco laota. Döt é sciodo! Y le ce dla jënt devënta spo tres plü y plü plëgn y posoch.  (de Iaco Rigo)