Comentar de Pruma

Data

13 de otober 2017

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Astension per coerenza
Domënia 22 de otobre i zitadins dei trei comuns i sarà clamei, auna a duc chi del Veneto a jì a voté n referendum per damané l'autonomia dela Region e dela Provinzia de Belum. Na data che, scherzi del destin, toma cuaji giust davò diesc agn da cánche la gran magioránza dei abitánc de chëst trei comunité ava dit con en auter referendum, de volei sen jì dal Veneto e da Belum per tourné sot a Bolśán.
Davò duc sti agn senza che chësta volonté la feje n vare ennavánt l é l risćio che la jent, enciournida da dut sto bordel politich, la pense; se no l'é juda den viers, la jiarà den auter. Enveze proprio chësta po' ester l'ocajion per fè tourné l'atenzion sul referendum dei trei comuns ladins. Come ? Co na grana astension. Prum per na cuestion de coerenza. Secondo perciéche se domënia 22 de otobre da sëra vignissa fora che a Fodom, Còl e Ampëz no n é ju a voté la medema percentual de chi che ava voté per tourné con Bolśán ntel 2007, chëst fajëssa plù descore del fat, sconté, che vadagnarà l si. Chësta la pojizion e l'apel d'envalgugn ex referendars, ma ence de l'Union dei Ladins da Fodom.  (de Lorenzo Soratroi)