Comentar de Pruma

Data

12 de jené 2018

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Alfreider: cësa y scunanza
Sce posse dì bel la urità. La cuestion de Alfreider (c. nce ntervista tla plates Val Badia) n con' dl derturamënt o dl frabicat nuef da d'ël a cësa, me sà na cossa unida trata su dai media naziunei, sambën sun vel' ndicazion de vel' bastian cuntrer de nosc raions.
La cuestion ie jita tres duta la istanzes aministratives, y sce l ie vel' pitla cossa tlo o iló che ne va nia bën iel una na cossa, ma prinzipalmënter à Alfreider sciche trueps d'autri la rejon de se fé ora si cësa, aldò dla legislazion provinziela. L se trata tlo do mi ntënder de na cuestion privata, nce sce Alfreider ie persona publica. Persunalmënter, te chësc cajo, éi ie solidarietà per Alfreider, pona puderéi bën nce me falé.
Cieche a mi me sta sun l magon, al incontra, ie la lege ladina, purteda inant da Alfreider y dai siei dla politica, la lege ladina a Roma, che ie pona unida trata su coche la arjonta dla arjontes per i ladins, sciche sce śën fóssel unì fat n gran var inant per i ladins. La lege à vel' pitl miuramënt cuncret, dantaldut per Fascia ma lascian inant l raport de dependënza partitica y etnica dantaldut per i ladins te Südtirol; per la gran cosses iel do mi ntënder na stleta lege, che n pudova schivé de purté inant nscila, cialan de miuramënc plu organics y plu soc per la mendranza ladina. Tlo me damandëssi scencajo mpue' plu de prejënza di media raionei y naziunei.  (de David Lardschneider)