Comentar de Pruma

Data

09 de fauré 2018

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Inier Juebia Grassa
Sce inier fòvel Juebia Grassa pona ne sarëis ncuei segurdenó da lunesc, che l ie pu vënderdì, y sce lijës la USC duman de sada pona iel pu sada, y sce lijëis la USC doduman de dumënia pona iel pu dumënia, y sce lijëis la USC de lunesc pona ne pudëis nia vester da lunesc che da lunesc iesun permò duman, l di do lunesc y no n lunesc. Ntendëise?

Inier Juebia Grassa, fòvel pa zachei inò furnì su. Mascrà, ma tan mascrà che nchin la trëi daduman ne savòven nia chiche l fossa. Tan granda la tëma de se mustré monce da Carnescià coche n ie veramënter.

Carnescià, ie n'autra parola per schizofrenia, ma leghela. La persunalità dopla, sdupleda, che n possa mustré, ajache nscila fossi pa ie veramënter. Mé da muië che ntan dut l ann ne pòssen nia se mustré coche n ie, cie pudëssa pa dì l ujin o la ujina?

Inier Juebia Grassa, da rì iel stat. Y pazienza sce un o l'autra à mo la masseles blandedes dala gotes, sëni dl gran pëis che ie perdrët sun si ana.

Inier Juebia Grassa, l plu bel di.  (de David Lardschneider)