Ntervënc dl Aiut Alpin ti dis passei

Data

14 de fauré 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N ntervënt dl Aiut Alpin Dolomites cun joler iel stat a Neva Tudëscia per n mut de diesc ani che fova tumà cun i schi y se ova rot burt na giama. Nce ël àn menà te spedel a Bulsan.

N ël de 53 ani se à rot burt na giama sun l purtoi sot a Col Raiser, tramedoi osc dla giama cialova ora, l ël perdova truep sanch. N ti à dat zeche de sterch contra l mel, per l ciarië tl joler y l mené te spedel de Persenon.

Sun Secëda dlongia la utia Daniel fova n ël de 53 ani tumà cun i schi, se fajan n drë’ mel al piet. Bonamënter se àl rot de plu rëpes. L ie unì menà cun l joler te spedel de Bulsan.

Sun Mastlé sëura la utia Cuca se à un dai schi trat na sciabla ora de luegia. L ël de 60 ani di Paejes Basc ie unì menà te spedel de Persenon, sambën do che l à giapà la prima cures dl dutor dl Aiut Alpin. Puech do fòvel inò un dai schi sun Secëda pra la furnadoia Catores, a chël che l ti ie sautà na sciabla ora de luegia. Nce ël ie unì menà te spedel a Persenon.

N ntervënt iel stat per na anda de 81 ani de Badia, che ne stajova nia bën. N ti à dat la prima cures, per la mené pona cun l joler te spedel de Bulsan, da ulache l joler ie julà inant a Persenon, per jì a tò n ël che ova n gran mel al piet, bonamënter ti òvel striscià l bòt; l ie unì menà te spedel de Bulsan cun l joler dl Aiut Alpin Dolomites.

Sun la fotografia iel da udëi l joler dl Aiut Alpin Dolomites (foto de Freddy Planinschek).

Galaria retrac