A luster l Stont de Ciampedel

Data

23 de fauré 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L pìcol frabicat storich é stat restaurà per endrez del Comun con la PAT e l’Istitut Cultural Ladin. Per l projet de restaure i architec Weber e Winterle se à vadagnà l pest al concors “Costruire il Trentino 2013/2016”.



N bel projet é dò a ruèr a compiment, se trata del restaure del veie Stont de Ciampedel. L’era stat fat sù del 1905 e l’era amò amò un di pec ejempies conservé te nosc raion de chisc pìcoi frabicac storics olache i omegn se arcedèa a trèr al tulac. L’é stat restaurà su spenta de Gabriele Valentini Mambo e di Scizeres de Fascia dal Comun de Ciampedel, col finanziament de la Provinzia de Trent. L’Istitut Cultural Ladin se à cruzià de dut l’alestiment daìte, con i tesć storics e divulgatives luré fora da la enrescides de P. Frumenzio Ghetta, Cesare Bernad e Maria Piccolin e amò apede retrac, documenc e ogec.

L Stont de Ciampedel vegnarà enaudà dant dal scomenz de la sajon da d’istà.

Per l projet de restaure i architec Alberto Winterle e Lorenzo Weber i se à vadagnà ence n pest al concors “Costruire il Trentino 2013/2016” endrezà dal CiTrAC (Zircol Trentin per l’Architetura Contemporana) e da l’Orden di Architec de la Provinzia de Trent.

 (lg)