Comentar de Pruma

Data

09 de merz 2018

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Onorevole D. Alfreider
Al n'á nia plü candidé, volens nolens, y sëgn l'an zacó mancia. Y mancia l'ará ince i parlamentars y in primis funzionars dla SVP, canche ai adorass zacai che sá bun talian y pronunziëia n miú talian co ëi. Sëgn teniade é tröc dla SVP Ladina gnüs plü scicá: "Sce Alfreider ne s'ess pö nia trat zoruch!", ajache spo esson indô albü n mandatar y na usc de nostes vals a Roma. Dit en cört é Alfreider sté massa valënt y massa püch egoistich: sce al foss jü so tru da orëi candidé indô, cun SVP-PATT, fossel inant a Roma. Al ne ti ess veramënter nia tut val' ai nia ladins dl partí, y gnanca ai taliagn. Dessigü n'él nia sté n complot al intern dla SVP por che al renunziass ala candidadöra, mo bëgn val' avanzamënt furbicio de un o l'ater y aspiraziun da se profilé de un o l'ater che é sëgn de fat rová ju Roma. Alfreider á orü ciaré dl'SVP Ladina, sciöche al á dit. Ma che sëgn sán che l'SVP Ladina y les previjiuns dles lites provinziales podô ciamó aspeté, cina sëgn d'aisciöda. Y avisa sëgn d'aisciöda salta fora n ater dilema: al sará bunamënter dui candidac ladins tla SVP d'altonn: dlungia a Daniel Alfreider él Manfred Vallazza. Che trami röies ite? Por che chësc ne suzedarai nia, se mobilisëia bele sëgn d'atres listes, danter chëstes ince i "5 Stëres" che n'é sëgn nia ma le pröm partí a livel nazional, mo ince tl comun de Balsan.  (de Iaco Rigo)