Comentar de Pruma

Data

27 de auril 2018

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Natöra y belëza
D'aisciöda s'intënon de vigni stinfa vërda nöia, de vigni ciüf che spizora. Al é na morvëia da podëi vire te nüsc posć y nostes vals! La natöra é desco na oma che se vist tres indô n guant nü, n'é mai monotona. Al n'é nia dis de bur' tëmp, i dis da ciarü y plöia é ma d'atri co chi da sorëdl. Nos che i podun vire te chësc paraisc plëgn de vërt, corusc y crëps, podesson plü gonot ciapé fora da porta tla contrada vërda, impede se stlü ite cun nosc ce dan a na televijiun y n fonin. Tles gran cités n'él pa demorvëia che tröc ne sá nia plü da olache le lat frësch vëgn... che al vëgn mut dala vacia. Por nos che i le savun ciamó pol avëi na saú implü: chëra che i ti metun lapró ponsan a na bela contrada y a n bel ciüf. Al mët man le mëis de ma, le mëis dl pröm gran florí: ponsun n iade tan bela nosta vita pó ester, rengraziun mo n iade!  (de Iaco Rigo)