Terzet por le post da intendënt

Data

26 de auril 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La jöbia ai 26 d’aurí á la seziun ladina dl Consëi scolastich provinzial stabilí i inoms di trëi candidac por la nominaziun a intendënta o intendënt dles scores ladines de Südtirol.
Do l’ejaminaziun di recuisic, él la jöbia ai 26 d’aurí gnü aldí i 5 candidac che s’â metü a desposiziun por la inciaria da intendënt ales scores ladines de Südtirol: l’insegnanta Monica Insam, l’insegnant y colegh d’La Usc David Lardschneider, l’insegnanta Lara Moroder, l’ispeturia dles scolines Edith Ploner y la colaboradëssa dl Departimënt Scora y Cultura Ladina Susy Rottonara. Tl’aldiziun él gnü presenté le curriculum di candidac, che á spo porté dant sües vijiuns pedagogiches y de svilup dl sistem educatif ladin.
I mëmbri dla seziun ladina dl Consëi scolastich provinzial podô lité cina dui candidac. Aladô dl resultat de lîta él gnü cernü i 3 candidac che i gnará proponüs ala Junta Provinziala: Edith Ploner (9 usc), David Lardschneider (3 usc) y Lara Moroder (2 usc).
La Junta provinziala chiriará sëgn fora danter chëstes la porsona por curí chësta inciaria, do avëi aldí le Minister dla Istruziun a Roma.