Le premier ai "5 Stëres"?

Data

17 de mei 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tl sboz de program di dui leaders Luigi Di Maio (5 Stëres) y Matteo Salvini (Lega) él dlungia ala flat-tax ince le smendrimënt dl numer di parlametars: basté dess tl dagní 400 deputac y 200 senaturs. Chisc dis chërda i "5 Stëres" tles plazes dla Talia a na informaziun y discusciun generala söles linies provisores dl program de coaliziun y de govern. Le scagn da premier ai "5 Stëres", i ministers plü importanc ala Lega?
I pröms dis dl ater edema sará dezisifs por le govern nü dla Talia. De gran linies tl program di dui partis pe acordades, ci che mancia ciamó é i inoms y i papabli por le govern nü.

Programs

N valgügn punc che podess romagne tla lista di programs:

- N gran no ai preiudicá y condaná tles sentes politiches
- Limo ales ponsiuns politiches de 5.000,00 euro
- Smendrimënt di parlamentars
- Stop al proiet dla velozité alta (TAV) Torino-Lyon
- Ma plü dui scalins de cuta por i dependënc y les mëndres imprejes (Salvini baia de na flat-tax por düc al 15%)
- Reforma dla Legge Fornero (tl’aria él n smorjelamënt dla rigorosité di cunc publics y dl sistem pensionistich)
- Davagn de zitadinanza

L’Europa ciara chisc dis cun scetizism dl vers dla Talia. Al jüch él cun le govern nü ince la stabilité dl euro. Di Maio: "I sun tl laur da fá n vare storich, le nervosism é da capí!"