"Aquarius"

Data

13 de jugn 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N comentar
La barca cun 629 migranc dal’Africa naina tl Mer Mediteran, la Talia ti á stlüt i porc por arsí sön tera frëma y apelëia i Statesc dl’Europa da dé aiüt por chirí soluziuns efiziëntes tla cuestiun plü zitia, desgorta y desmentiada de nüsc pröms diejënns dl 21ejim secul. L'Africa bradla y sofrësc, l’Europa ne sá plü olá ia politicamënter - do avëi colonisé, sotmetü, miscionarisé y sfruté les regiuns africanes. Matteo Salvini á rajun da dí che l’Europa n’é nia presënta te chësta problematica, che i Statesc Europeics plü a Nord é oportunistics, che la Talia é gnüda lasciada sora düc chisc agn. Mo: Umanité, olá vaste pa?, se damana tröc. Le su problem da fá presciun sön l’Europa a chësta manira da stlü scemplamënter i porc, é che al vëgn indô n iade strumentalisé porsones che adora veramënter aiüt. Ne vára nia da azioné les forzes diplomatiches por ajunje finalmënter na soluziun ai gragn problems dles migraziuns nordafricanes? Al mancia l’impëgn, le potenzial é! O é l’Europa ma bona da jí tl’Africa a se tó les materies primes che porta svilup industrial? Y: C’é pa sëgn les porsones africanes, ince "materies", scebëgn: "materies secondares"?

Iaco Rigo, La Usc di Ladins