Comentar de Pruma

Data

10 de agost 2018

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Fin dela viera da comemoré, no da festegé
Trope i é le zerimonie che sto ann ven fate en ocajion dela fin dela Pruma Viera. L ultimo fin setemana doi i é stade nte la Ladinia: sun Col de Lana e sun Col Bechei. Nosta tiera e dut Südtirol, a patì doi oute per chëla desgrazia. La pruma per duc i saudei e la jent zivila morta o profuga. La seconda per la spartizion storica che chësta a porté ntra chisc teritori. Encuoi duc i storizi i recugnësc che la Conferenza de Pesc o Tratat de Parigi del 1919 davò la fin del conflìt, l é sté fat coscita malamente da deventé la bronza che coëva sot al cender per n'autra viera mondiala. Viera che a rebalté endavò sotesoura confins, ma che encora enviade, per gauja come tres dela politica, a pegioré sepropio encora deplù la situazion e la volonté de unité dele val ladine. Nte ogni comemorazion ufiziala ven auzé fora el valour de chisc 70 agn senza viera en Europa e de n'arjonta democrazia davò nazism e fascism. Ma no se recorda mei che chësta democrazia la no s'a complì deplén nte la Ladinia perciéche la plaia l'é restada. Plaia che, se speráva del 2007, ntel inom dela concuistada democrazia, se pòbe varì su. Davò doi viere chilò el valour dela democrazia el va encora a pé zot. Nia da festegé spò. Demé da comemoré i morc.  (de Lorenzo Soratroi)