Otimism tl turism

Data

20 de agost 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ti pröms 6 mëisc dl 2018 án albü te Südtirol feter 14,5 miliuns de pernotamënc, cun n plus dl 5,5%. Chësc dij les zifres dl WIFO dla Ciamena dl Comerz de Südtirol.
Les zifres turistiches tl Südtirol mostra indô n iade söpert. Le WIFO - Istitut de inrescida economica dla Ciamena de Comerz dl Südtirol - á inrescí che le turism de Südtirol ciara cun positivité ala situaziun, tan che 9 impresars sön 10 s’aspeta por le 2018 na buna rentabilité. Dër otimisć é i ostis y patruns de restoranc, deperpo che i patruns de bars y cafés se tëgn n pü’ plü zoruch. Le sentimënt positif vëgn ince alimenté dai pröms resultac turistics: da jená cina jügn án cumpedé tla provinzia de Balsan daimpró da 14,5 miliuns de pernotamënc. Respet al ann passé é chësc n plus dl 5,5% o 750.000 sojornanzes. La sajun da d’invern passada é stada na sajun da record, che á avalié bele danfora le manco che an á albü iniann de jügn. Le faturé dles imprejes turistiches crësc tres deplü - ”suradöt por mirit di ghesć da foradecá y de Südtirol, sciöche ince por l’aumënt di prisc”, scrí la Ciamena de Comerz te n comunicat. Ince i posć de laur se svilupëia positivamënter: tla hotelaria de Südtirol án albü tl pröm mez ann n aumënt mesan dl 8% de jënt impliada.  (pablo)

Galaria retrac

View the embedded image gallery online at:
http://lausc.it/atualite/7987-otimism-tl-turism#sigProId48c2eae944