Ryanair müda les regoles

Data

13 de otober 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ciafi zoruch les spëises sce la compagnia de jore straiha le iade? Y ci cufri pón pa ciamó se tó söi jori Ryanair? Informaziuns interessantes incër le joré, dal telegram dla Zentrala di Consumadus Europeica dla Talia.
LE CUFER A MAN SÖI JORI RYANAIR
Dal 1. de novëmber 2018 inant, pó i cliënc dla compagnia irlandeja che n’á nia paié l’imbarcaziun prioritara, ma se tó para sön fligher un n pice cufer a man (de 40x20x25cm); ai messará dé jö - y paié - pro la portina i trolley da 10 kg che an podô denant se tó para te fligher debann. Les condiziuns vel por chi che á aposté dal 1. de setëmber 2018 inant. A che che á aposté dan chësta data, ne i vëgnel nia apliché les condiziuns nöies.

SCE LA COMPAGNIA STRAIHA LE JORE
Ala Curt de Iustizia dl’Uniun Europeica ti él dan da püch rové la plüra de n passajier todësch che â cumpré chertes da joré sön internet - nia diretamënter dal sit dla compagnia, mo da n portal de intermediaziun. Le jore ê gnü straihé y la compagnia de fligri n’â nia retü döta la soma: al é avisa romagnü a ciaria dl passajier 77,00€ che le portal web â ghiré sciöche comisciun por la venüda dla cherta. Le passajier é jü dan signoria y le vicare á damané la Curt de Iustizia dl’Uniun Europeica, che á detlaré che la comisciun mëss gní conscidrada sciöche na componënta dl prisc da rete ai passajiers tl caje de straihada dl jore, ater co sce ara é gnüda fissada zënza ti le lascé alsavëi ala compagnia de fligri. Sëgn messará le vicare controlé sce la compagnia de fligri savô che al gnô apliché chësta comisciun. Chësta sentënza dla Curt de Iustizia é zënzater positiva por nüsc consumadus, mo i se temun impó che l’aplicaziun ne sará nia tan saurida, dantadöt a livel extraiudiziar. Bonamënter éson plü al sigü sce an apostëia sön le sit dla compagnia.

Galaria retrac