Al vëgn frëit

Data

16 de november 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Les temperatöres altonales cara plan plan y röia de nöt sot nul. Le töme dá do y i canuns é bogn da sprinzé la pröma nëi
La situaziun dla nëi tla Val Badia é tosc lita, ara é ma da odëi söi banc di crëps oc cuntra nord. Sce les condiziuns ê dan da n ann bele invernales y arjignades por la sajun dai schi, mëss i gesturs de lifc y pistes aspeté en chësc ann de novëmber: che al nëies i dis che vëgn n’é nia odü danfora, al plü en lönesc podessel gní - aladô dl sorvisc arpa dl Venet y dla zentrala meteo dla Provinzia de Balsan - val’ prezipitaziun debla.
Dër important él te chësta situaziun problematica por la sajun blancia y sportiva che almanco l’inverjiun termica dais do y les temperatöres cares dales vals cina sö alalt, y chiló impormëtel bun: i dis che vëgn él preodü aries manco tömies, ci che desfanta i ciarüsc ales basses y conzed tëmp sarëgn y de conseguënza temperatöres tres plü frëides. Spo vára da fá la pröma nëi.

 (Iaco Rigo)