Te Mareo éson gnüs de munt
La sabeda ai 1. d’otober él gnü condüt dla Val de Mareo fora i armënc stá te munt. Na sajun vá insciö indô a piz. Retrac y impresciuns.
Bele döes sabedes denant, ai 17 de setëmber, á i paurs de Mareo condüt sü tiers da Fanes, Senes y Fodara Vedla jö tla Val dai Tamersc. Por döes edemes alalungia á insciö incër 160 tiers podü se gode i bi dis d’altonn tla val, muncan demez ince les ultimes erbes da iniann. Cun la fin de setëmber é la sajun te munt definitivamënter jüda a piz. La sabeda al 1. d’otober él porchël gnü organisé le gní de munt. Incër les döes domisdé é i tiers rová fora Al Plan, acompagná da famëis, paurs y prodadus. Danfora jô sambëgn la vacia dala gherlanda bela infornia cun gherlanda y pilora de Sant Antone. Cun le bun sonn de tlunches, ciampaneles y bronsines ái ince cherdé la jënt sön ur de strada a ciaré pro y fá jö, mo bëgn ince por abiné val’ bun canifl che gnô partí fora. I armënc é gnüs condüc cina tla Tlosöra da Cianëi, n bel pre al’entrada dl paisc, olache al ê ince gnü tenü sö valgünes mëses. La Jonëza da Paur d’La Pli á fistidié por val’ da mangé y da bëre, insciö á düc ciamó podü sté n pez en compagnia, denanche se mëte indô sön tru cun sü tiers, por i condü devers les stales y pastöres da ciasa. Chiló valgünes impresciuns fotografiches coiüdes tratan le domisdé. (pablo)
Galaria retrac
- (© pablo/La Usc)
- La vacia dla gherlanda vá danfora. (© pablo/La Usc)
- Thomas d’La Munt cun n cëst de canifli. (© pablo/La Usc)
- Cun prá a man dërta y man ciampa ó i tiers jí a mangé. (© pablo/La Usc)
- Cun prá a man dërta y man ciampa ó i tiers jí a mangé. (© pablo/La Usc)
- L’ostí Franz Complojer aspeta cun l’ega de vita por famëis y paurs. (© pablo/La Usc)
- N bun gote do la fadia. (© pablo/La Usc)
- I paurs é braui. (© pablo/La Usc)
- (© pablo/La Usc)
- (© pablo/La Usc)
- (© pablo/La Usc)
- (© pablo/La Usc)
- Düc á la bona löna. (© pablo/La Usc)
- Ince valgügn ciavai ala pert. (© pablo/La Usc)
- (© pablo/La Usc)
- (© pablo/La Usc)
- La ostira da Plazores Ulrike aspeta ince cun l’ega de vita. (© pablo/La Usc)
- I armënc é ligri da rové tla Tlosöra da Cianëi. (© pablo/La Usc)
- Le paur Roman Ties cun le famëi de Fodara Vedla Tone Complojer. (© pablo/La Usc)
- Le famëi de Senes y dai Tamersc Hans Waldner y Roman Ties. (© pablo/La Usc)
- La Jonëza da Paur d’La Pli é arjignada. (© pablo/La Usc)
- Florian y Jan á mené la gücia. (© pablo/La Usc)
- Vitus á ince dé ia bele cotan de canifli. (© pablo/La Usc)
- L’erba é bona. (© pablo/La Usc)
- Aorela cörta y compagnia. (© pablo/La Usc)
- Aorela cörta y compagnia. (© pablo/La Usc)
View the embedded image gallery online at:
https://www.lausc.it/la-usc-on-tour/3823-te-mareo-eson-gnues-de-munt#sigProIdc939a51f4c
https://www.lausc.it/la-usc-on-tour/3823-te-mareo-eson-gnues-de-munt#sigProIdc939a51f4c