La Usc di Ladins

Al ê le 1972 che an á fat sö la scora elementara da La Val, dl 2003 l’ann ressanada y dl 2016 án ciamó n iade messü l’amplié, deache le numer de scolars é passé da 81 a 101. Le mertesc ai 13 de jügn él gnü tigní la festa de inaudaziun y benedisciun de chisc ultims laurs - festa liada a n de dla porta daverta. Al é sté i discursc dles autorités politiches y dla scora, y sambëgn él gnü le contribut di protagonisć - scolares y scolars - che á arjigné ca n bel program cun l’aiüt de sü insegnanc. I ves pitun na cercia dla festa, cun chisc retrac metüs a desposiziun da Rudi Moling.

Deplü sön la festa, la scora y i laurs ciafëise t’La Usc di Ladins di 23 de jügn 2017.  (pablo)