Manifestazions atuales

Data

13 de messel 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 13 de messel
Radio y Televijio
RADIO
"LADINIA LIVE": Microfons davierc sun atualità y cultura
La trasmiscion ie da audì uni merdi y mierculdi dala 13:45 ala 14:00 sun la frecuenzes de RAI LADINIA
La trasmiscion "DAI CRËPS DL SELA" ie da audì uni di dala 19:05 ala 19:30 sun la frecuënzes de RAI LADINIA
Vënderdi 13 de lugio - Blanch y Fosch: i candidac ladins dla SVP
Program de Simon Moroder.
Sada 14 de lugio - Momënc de vita – intervista a Ines Dallago
Program de Erika Castlunger.
Dumënia 15 de lugio - Dl 1948, dan 70 ani (sesta pert)
Co cialovela pa ora te Gherdëina dan 70 ani ncont dla situazion economica y dla butëighes te Gherdëina? Program de Sofia Stuflesser.
Mierculdi 18 de lugio - Raides e curiositèdes: Persenon
Program de Anna Mazzel.
TELEVIJION
Merdi 17 de lugio dala 20:50 - Natura y ambient: La vita dles ëres sön n lüch da paur
Program de Karin Pizzinini, tai y regia Fulvio De Martin, a cura de Anna Mazzel.
Mierculdi 18 de lugio dala 20:50 - Trail Spezial – Studenc de la California impara le ladin
Te chesta edizion de Trail Spezial rejonon de inovazions informatiches per la documentazion dei lengac mendres che é dò a se perder: 20 studenc' de la Università del Sud de la California i é dò a studier l lengaz ladin con competenzes linguistiches da marevea. A cura de Margherita Detomas.
Juebia 19 de lugio dala 20:50 - A spas per la Ladinia – Fodara vedla e Sennes
Fernando Brunel ne mena a descuerjer ciantons de la Ladinia, te chest program su per Fanes envers Fodara vedla e Sennes. Program de Fernando Brunel e Giacomo Gabrielli, a cura de Anna Mazzel.

Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota "Mediateca" y les trasmiscions radio sota "Podcast

Chino
Chino per mutons
N juebia ai 19.7. dala 17.00 nchin la 18.30 tla Bibliotech S. Durich a Urtijëi uniràl mustrà n film tla rujeneda taliana. Ntan i mënsc de lugio y agost uniràl mustrà uni juebia n film adatà per mutons, l program plu avisa di film che unirà mustrei ie da udëi tla bibliotech, ulache l ie nce julantins da pudëi se tò pra.
Al chino de Tieser
Al Chino de Tieser insnet vender ai 13 de messèl e en domenia ai 15 h 21.15 se pel veder "Stronger. Io sono più forte". En sabeda ai 14 h. 21.15 se pel veder "Lazzaro Felice". En lunesc ai 16 h 21.00 vegn moscià n film del Trent Filmfestival; en mèrtesc ai 17 e en mercol ai 18 h. 21.15 "Dogman"; en mercol ai 18 e en jebia ai 19 h. 17.30 "Luis e gli alieni". En jebia ai 19 h 21.15 "Tonya". En vender ai 20 h 21.15 e per dut l fin de setemèna"Skyscraper" Info: www.cinematesero.com
Al chino de Pardac
Al Chino de Pardac en sabeda ai 14 e en domenia ai 15 de messèl da les 17:00 se pel veder "Luis e gli alieni" e h. 21.15 "Hurricane. Allerta uragano", che l sarà en program ence en lunesc ai 16, semper h. 21.15. En mèrtesc ai 17 e en mercol ai 18 h. 21.15 "Papillon"; en jebia ai 19 da les 17 (2D) e da les 21:15 (3D) "Solo. A Star Wars story". En vender ai 20 h 21.15 "Giochi di potere". Info: Facebook Cinema di Predazzo.
Al chino de Cianacei
Al chino de Cianacei en sabeda ai 14 de messèl da les 17:00 se pel veder "Snow Dogs" e da les 21:15 "Papillon". En domenia ai 15 h. 17:00 e 21:15 "Puoi baciare lo sposo" e en lunesc ai 16 h. 17:00 e 21:15 "La forma dell'acqua". En martesc ai 17 e ti dis dò, h. 17:00 "È arrivato il broncio" e h. 21.15 "211: rapina in corso".
Chino a La Ila: "Come un gatto in tangenziale"
En mertesc ai 17 de messé dales 21:00 vëgnel mostré tla Ciasa de Cultura a La Ila la comedia taliana "Come un gatto in tangenziale". L'entrada é a paiamënt.

Cursc
Co dìjen pa per ladin?
Una na lezion de ladin. Ancunteda cun la rujeneda y cultura ladina. Uni lunesc dai 23.7. ai 27.8. dala 17.00 ala 19:00 tl Istitut Ladin te Sëlva. Pensà per seniëures ma nce per duc i autri nteressei. Cun Karin Comploj. Da se scrì ite iel da Active & Events, Plaza Nives, tel 0471 777999.
Curs per se njenië ca a parturì
Per ëiles che aspieta y genitores dl daunì, che à l terminn danter utober y dezëmber 2018. L'ancuntedes sarà tla palestra dla cësa de paussa a Urtijëi, dai 27.8. ai 1.10. uni lunesc dala 16.00 ala 18.00/19.00. Iscrizions: CUPP tel. 0471/457457, 8.00-16.00 dal lunesc al vënderdi; email vormerkung.bz@sabes.it; ëifoma 0471 797778; assistënta sanitera 0471 794290.
Curs da nodé por mitans y mituns dla scolina (3-5 agn)
Organisé dala Uniun Sport La Ila, tl Hotel La Majun a La Ila, cun Thomas Valentini. Pröm iade en lönesc ai 16 de messé, le curs vá spo inant por indöt 8 iadi, tres lönesc, mercui y jöbia danmisdé. Iscriziuns tres sms pro Thomas al 339/1433016, don dant inom, cognom y eté.

Teater
Spetacol per bec su la Gran Vera
Ai 16 de messèl da les 17:00 a Moena la compagnìa "Teatri Soffiati" porta dant n spetacol itinerant per bec su la aventures de doi sudé de la Pruma Vera. Se se troa te piaz de Sotegrava. Se l'é burt temp l spetacol vegnarà fat en martesc ai 17 de messèl.
Spetacol teatrèl al PalaDolomites
Ai 19 de messèl da les 21:00 tel PalaDolomites a Ciampestrin, spetacol de teater per bec e families endrezà da la Sociazion Antermoa.

Segres y festes
"Paisc in festa" a San Ciascian
Tl zënter da San Ciascian, en mercui ai 18 de messé. Dales 16:00 inant sarál n marcé de produc dl post y al gnará dé fora spezialités gastronomiches. Lapró musiga cun "Annika Borsetto & Tom Blaas", "Vic & Daniel" y i "Nice Price". I mituns pó ince tó pert al laboratore creatif "Tl rëgn di tiers" metü da jí dal parch natural Fanes-Senes-Braies, o al domisdé tl Museum Ladin Ursus ladinicus.

Sozial
Portel de referiment sozièl
Ogne mercol da les h. 16:00 a les 18:00 te strèda di Pré de Lejia a Sèn Jan per endrez del Comun general de Fascia vegn metù a jir n portel de referiment sozièl avert a duc e no a paament. Ge vel se prenotèr. Per aer informazions chiamèr l 370.3004296 o scriver a sportello.lerais@gmail.com

Mujiga
A spas co la Mùsega
En mercol ai 18 de messèl da les 21:00 tel comun de Sèn Jan se podarà jir a spas su per Meida con la strèda serèda al trafich, te anter musega e magnadiva golousa.
L terz CD del Canticum Novum:
En lunesc ai 16 de messèl da les 21:00, te gejia de Sèn Vile a Moena, l'Ensemble Canticum Novum tegnarà n conzert de prejentazion del nef CD "In Sacro Silenzio", enjignà per festejèr i 25 egn de atività del cor.
L Cor Elikya con Ispirazions d'istà
En sabeda ai 14 de messèl per la rassegna "Ispirazions d'istà" 2018 te teater de l'oratorie de Poza da les 21.00 se podarà scutèr l bel conzert del cor internazional multietnich Elikya. L medemo Cor ciantarà la Messa te gejia de Pera en domenia ai 15 de messèl.
Cunzert tlassich tl verzon dala rojules sa Bula
N dumënia ai 15.7. dala 17.00. Per festejé l cumplì di 10 ani dl bel verzon dala rojules dl Uhrerhof sa Bula, mët la Lia dl Turism de Urtijëi a jì n pitl cunzert. Do n bon aperitif puderàn scuté su la ciantarina-soprann de Urtijëi Brigitte Canins, acumpanieda al tlavier da Judith Piccolruaz. La ntreda costa 8 € cun aperitif leprò. (L Citybus 355 pëia via da Plaza Sant Antone dala 16.17).
La cater sajons, de Antonio Vivaldi
Cunzert n merdi ai 17.7. dala 21.00 te dlieja de Sëlva cun l Kreativ Ensemble y Viktoria Borissova. L ensemble ie metù adum da sunadëures de strumënc a archët ora dla urchestres talianes plu cunesciudes. La ntreda al cunzert ie debant, cun dunfierta liedia.
Sëira cun mujiga y bai
N mierculdi ai 18.7. dala 21.00 tl zënter Iman a S. Cristina. L sarà da audì l Cor Saslonch, i corni da mont Ladinia y l balerà la grupa de Bal populer de S. Cristina y Sëlva.
Cunzert dla Mujiga de Corvara
N juebia ai 19.7. dala 21.00 sun Plaza de Chemun de Sëlva.
Mujiga populera y bai
N juebia ai 19.7. dala 21.00 sun Plaza de Dlieja a Urtijëi (da bur' tëmp tla cësa di cungresc), sëira cun plu grupes de ciantarins y sunadëures da tlo y cun la grupa di balarins.
Cunzert dl cuintet "QuinTirol"
N dumënia ai 22.7. dala 17.00 tla dlieja da Sacun. „QuinTirol" ie na grupa de cin' musicisć che vën dal Nord-, Süd- y Osttirol. Leprò iel danter l auter Egon Lardschneider y Lukas Runggaldier de Urtijëi. I musicisć che sona strumënc a fla de lën tipics per la mujiga da camera à n gran repertore de mujiga, ma cun la cumposizion "Music for a deceased friend" de Peteris Vasks se ài giaurì a formes de esprescion inuvatives che va ora dl stil tlassich.
Ciantan y sonan fora por les üties
Le pröm apuntamënt cun la linia de conzerc tles üties dl'Alta Badia é preodü por chësta domënia ai 15 de messé. Dales 13:30 inant sona tla Ütia Pralongiá la Böhmische de Badia.
Conzert dla Müjiga de Badia
Indoman sabeda ai 14 de messé dales 21:00 sön paiun de Badia.
Calfosch: conzert alaleria
En lönesc ai 16 de messé dales 15:00 inant sarál da aldí tla val Stella Alpina a Calfosch n conzert cun le trio di corns da munt "Sassongher".
Val Badia Jazz Festival
Tla ütia Jimmy a Calfosch gnarál tigní en vëndres ai 20 de messé dales 13:00 inant le pröm conzert dla 20ejima ediziun dl Valbadia Jazz Festival. Al sará da aldí le grup "Savana Funk", metü adöm da trëi musizisć talians.
Conzert dla Orchestra Jonila de Südtirol
La Orchestra Jonila de Südtirol, sot la direziun de Isabelle Ruf-Weber, tëgn n conzert sön paiun de Badia, en domënia ai 22 de messé dales 21:00. Organisaziun: Müjiga de Badia.
Joegn, Musega, Mendranzes e Jazz al Navalge
En domenia ai 15 de messèl da les 21.00 al teater Navalge de Moena per l projet JMMJ tel chèder del Panorama Music de Fascia con La Grenz se podarà scutèr l conzert straordenèr de la Sant Andreu Jazz Band da Barcelona. L'entrèda é debant.
Panorama Music sun Lujia
En jebia ai 19 de messèl h. 12 sun Valbona se podarà scutèr la cianties funky-blues de Leburn Maddox, compagnà da sia chitara, dal bas de Roberto Zecchinelli e da la baterìa de Jacopo Coretti. Se fossa burt temp l conzert sarà te Chalet Valbona.
Sun Col Margherita l'Èlba de la Dolomites
En sabeda ai 14 de messèl da les 6 da doman sun Col Margherita per "l'Èlba de la Dolomites" se pel scutèr Maria Pia De Vito & Ensemble Burnogualà, na polifonia de lengac e sons per n viac tel temp e tel spazie. En mercol ai 18 de messèl da les 12 sun Contrin sarà l conzert del mandolinist Avi Avital.

Iadi, jites y escurscions
Escurjiun sön le Schwarzenstein
La Lia da Munt Ladinia - Val Badia mët da jí en domënia ai 15 de messé na escurjiun sön le Schwarzenstein (3.368 m). Ara é ria, cun n tëmp da jí de 10 ores y n deslivel söpert de 1.900 metri. Informaziuns pro Gerhard Rubatscher al 335/1050408.
Jita geologica sun l Geotrail
Uni vënderdi nchin ala fin de agost vëniel pità na jita geologica sun l Geotrail sa Bula cun n espert che dajerà stlarimënc n cont dla evoluzion dla tiera y la furmazion dla Dolomites, usservan la vëtes geologiches che ie tlo drët bën da udëi. N muev for a Urtijëi dala 14.00. L ie da se lascé nudé su nchin al di dant tla Lia dl Turism de Urtijëi, tel. 0471 799600.
Escurjiun sön la Magdeburgerhütte/Pflersch
La Lia da Munt Ladinia - Val Badia mët da jí en domënia ai 22 de messé na escurjiun sön la Magdeburgerhütte/Pflersch (2.424 m). Ara é saurida, por n tëmp da jí de 5 ores y n deslivel complessif de 980 metri. Informaziuns pro Bernhard Pitscheider al 339/2278061.
Jita sun l Becherhaus (3.195 m)
N sada y dumënia ai 28. y 29.7. cun la Lia da Mont de Gherdëina. L di do uniràl jit sun l Wilder Freiger (3.418 m). L se trata de na jita longia cun l prim di 1.800 m de deslivel y 7 ëura da jì.
Da se nuté su iel nchin n vënderdi ai 20.7. tla butëighes Ciofs Inge, Activ Sport y Sport Bruno Riffeser. Per nformazions: Valentin 338 8362004.
Fin dl'ena sa mont per la families
Ai 21. y 22.7. cun la grupa "Nëus Granc y Pitli" dla Lia da Mont. Furnon cun auti privac nchin a Delba. Da iló jons su per na streda forestela nchin dal rifugio Contrin ulache passon la nuet te n "Lager". Da jì iel 2,5 ëura cun 500 m de deslivel. Se nuté su nchin n mierculdi 18.7. da Marialuisa 339 8730899.
I mulins da Bula
Uni merdi dala 14.30 se ùrten sa Mesavia, sa Bula per jì a ti cialé ai Mulins da Bula derturei su a na maniera che n possa udëi mo al didancuei coche i funziunova zacan. Dopro pòssen mo jì a ti cialé al verzon dala rojules dl Uhrerhof. L ie da se lascé nudé su nchin al di dant tla Lia dl Turism de Urtijëi, tel. 0471 799600.
Raida di mejes sa Sacun
For de mierculdi, dala 9.00-13.00, ntan i mënsc de lugio y agost. L Museum Gherdëina pieta na raida di mejes sa Sacun cun na ntroduzion sun la cuntreda culturela tl Museum Gherdëina y vijita dla dlieja da Sacun. Menedes vën la jites da Annemarie Höglinger (tudësch) y Isabella Penzo (talian). Da se scrì ite iel tl Museum Gherdëina nchin al di dant. Da paië ite iel 20 €.
Sö por munt cun l'Uniun Maestri Ladins
L'UML inviëia ai 17 de messé da jí a se fá na roda tl raiun dla Tofana de Rozes. An s'abina dales 7:45 pro le Bar Manuela a La Ila, por jí deboriada sön Falzares. Infos y prenotaziuns anter incö vëndres ai 13 de messé pro Ulrike Pedevilla al 349/5057584. La escurjiun é de 12 km cun n deslivel de 1.146 m. Ara é saurida por porsones ausades da jí.

Mostres y Ert
"Selvaggio Blu" mostra de fotografies
N sada ai 14.7. dala 11 danmesdì tl café Surëdl a Urtijëi tla streda Roma, saràl la giaurida dla mostra de fotografies de Engl Colcuc, fates ntan na jita de plu dis tla natura salvera dla Sardegna ora per la rives dlongia l mer. La mostra ie da udëi dal lunesc ala sada, dala 10.00 nchin la 19.00.
Mostra culetiva "Contemplatio"
Giaurida n sada ai 14.7. dala 18.00 tla "Kartause" a Karthaus te Schnals. Danter i 17 artisć nviei dala lia culturela de Schnals y l Südtiroler Künsterbund iel nce i artisć de Gherdëina Aron Demetz, Arnold Holzknecht, Walter Moroder, Thaddäus Salcher y Bruno Walpoth che mët ora. La mostra sarà davierta nchin ai 26.8. dal lunesc ala sada 14.00-18.30, de dumënia y dis de festa nce dala 10-12.
Ert sun la stredes de Gudon
Ai 22.7. dala 10.00 nchin la 19.00 saràl inò la blòta manifestazion de ert y cultura ora per la cuntredes y lueges storiches de chësc pitl luech. Vel' ciulé prejenterà si vins y l unirà nce pità da maië y de bela mujiga. Truep artisć de Gherdëina iel ënghe inò che fej pea: W. Pancheri, L. Dellago, U. Moroder, G. Moroder, S. Sommavilla, R. Moroder, S. Holzknecht, C. Mussner, H. Schmalzl, M. Schenk, K. Rungger, H. Rabanser, O. Rifesser y F. Kehrer de Mareo.
ArcheoPhonica
Tla sala Gisela Moroder tla Cësa de Paussa a Urtijëi iel na mostra dla storia dl svilup dla registrazion acustica. L ie nce da udëi un di plu vedli njins ora dl Phonogrammarchiv de Viena y da audì registrazions de ujes fates ti prim ani dl 1900 te Gherdëina. La mostra vën cureda da Francesco Gigliotti y ie da udëi nchin ai 21.7.. da merdi nchin dumënia dala 10.00-12.30 y dala 15.30-19.00.
"Montamez" de Markus Delago
Sun Furnes a Urtijëi. Mostra alalergia da udëi nchin ai 30 de agost.
6. Bienela Gherdëina
I lëures d'ert ie da udëi tl raion da jì a pe de Urtijëi, tla sala dla Lia Mostra d'Ert, dan l tunel La Curta, sun Col de Flam, Hotel Ladinia, Museum de Gherdëina. La sala dla Lia Mostra d'Ert y l Hotel Ladinia ie davierc uni di dala 10.00-12.30 y 15.00-19.30.
Vijita meneda ala Bienela Gherdëina
Uni juebia vëniel fat vijites menedes ala mostra (debant). N se urta dala 16.30 tla sala dla Lia Mostra d'Ert y l ie da se nunzië danora tla Lia dl Turism de Urtijëi, tel. 0471 777600.
Mostra de Adolf Vallazza
Nchin ai 23.9. iel da udëi a Cles tl Palazzo Assessorile na mostra dl artista de Gherdëina dal titul "na storia scrita tl lën". L ie da udëi lëures de scultura, ma nce schizes y dessënies, nce n pitl film/ntervista cun l artista, tëut su per chësta ucajion. La mostra ie davierta de lunesc 14.30-18.30, da merdi nchin dumënia 10.00-12.30 y 14.30-18.30, de lugio y agost nce sada y dumënia sëira 20.00-22.00.
Vijites a la Sezions del Museo: l Malghier
Via per dut istà se pel vijitèr debant la Sezions sul teritorie del Museo Ladin. L Malghier a Pera aló da la Mèlga de Fascia é avert duc i dis h. 8.30-12.30 e 15.30-19.00. De mèrtesc e de jebia h. 10 vijita vidèda e cercia con prenotazion al 0462.764076.
Vijites a la Sezions del Museo: l Segat
Via per dut istà se pel vijitèr debant la Sezions sul teritorie del Museo Ladin. L Segat a Meida é avert de mèrtesc, jebia e sabeda h. 10-12 e de lunesc, mercol e vender 15-19. De vender h. 10 vijita vidèda con prenotazion per les 19 del dì dant te Museo Ladin al 0462.760182.
Vijites a la Sia e al Molin
Via per dut istà se pel vijitèr la Sezions sul teritorie del Museo Ladin. La Sia a èga ta Penìa e l Molin de Pezol a Pera é averc duc i dis fora che de domenia h. 10-12 e 15-19. Te Molin l'é ence vijites vidèdes de lunesc e mercol h. 10 e de jebia e vender h. 17.30.
Vijites al Stont a Ciampedel
A Ciampedel l'é avert l Stont, neva sezion del Museo Ladin, che se pel vijitèr dut istà dal lunesc a la sabeda da les 17 a les 19 e de jebia ence da les 9 a les 11 da sera. Ogne mercol da les 10 da doman l'é la vijita vidèda: ge vel se inscinuèr te Museo Ladin, tel. 0462.760182, per les 19.00 de la sera dant.
Museo de la Vera sun Fedaa
L Museo de la Vera de Andrea De Bernardin sun Fedaa é avert chest istà duc i dis, fora che de mèrtesc, con orarie 10.00-12.30 e 14.00-17.30.
Mostra su la Gran Vera a Someda
A Someda te tobià de la Nenola d'istà se pel veder i reperc troé su la linia del front su la crepes de Fascia. L'esposizion é averta de mercol h. 10.00-12.30 e de vender h. 17.00-19.00. Per la vijitèr te etres oraries l'é da chiamèr l numer 334.8222082.
Oraries Mostra Gran Vera
La Mostra su La Gran Vera te Navalge a Moena la é averta per dut istà duc i dis con orarie 10.00-12.30 e 15.30-19.00 e de mercol ence h. 21.00-23.00. De mercol da les 17.00 l'é la vijita vidèda: ge vel se prenotèr al 346.2415776.
Oraries del Museo Ladin de Fascia
La senta zentrèla del Museo Ladin de Fascia a Sèn Jan é averta per dut istà duc i dis con orarie 10.00-12.30 e 15.00-19.00. De jebia da les 10.00 l'é la vijita vidèda compagné dai esperc, l'é benfat prenotèr al 0462.760182.

Sport
La Fiorentina a Moena
En sabeda ai 14 de messèl la Fiorentina jia a Moena da les 17:30 contra l Borgo e da les 21:00 te Piaz de Sotegrava sarà la festa de benvegnù e prejentazion de la squadra. En mercol ai 18 sarà la partida contra Hellas Verona. Fin ai 22 de messèl se podarà veder i jiadores se arcedèr a Moena h. 10-12 e 17-19.
DoloMyths Run Sellaronda Ultra Trail
En sabeda ai 14 de messèl l'é la garejèda de trailrunning entorn l Sela. Se pea via da Cianacei, da Piaz Marconi, da les 5 da doman.
4. festival di ciavei
N dumënia ai 22.7. dala 10.00 nchin la 19.00 tla raidatoia de Pozamanigoni te Sëlva. N di de devertimënt cun mujiga dal vif y desmustrazions de jì a ciaval, turnoies de raité, stafeta per l publicum cun ciavei y quad, juesc per mutons.
San Martin: iscriziuns ai campionac de palé
L'US San Martin lascia alsavëi che al é gnü daurí les iscriziuns por le campionat de pelé U-8 (mituns dl 2010 y 2011 y mitans dl 2009 y 2010) y U-10 (mituns dl 2008 y 2009 y mitans dl 2007 y 2008). Termin por se scrí ite é chësta domënia ai 15 de messé pro Maria Rubatscher al 339/6211647. Dedô ne sarál nia plü meso da se scrí ite y da tó pert ai alenamënc.
Dolomiti Run Vertical Kilometer
En vender ai 20 de messèl da les 9:00 scomenza la Dolomiti Run Vertical Kilometer: i atlec pea via da Dèlba e i rua fin sun Crepa Neigra. Chesta l'é na tapa del zircuit mondièl de Vertical.

Referac
Usservé planec y galassies
N juebia ai 19.7. dala 21.30 dal hotel Interski a S. Cristina. Cun telescops saràl mesun usservé la stëiles y i planec tl ciel de nuet. N espert dajerà nce n curt na spiegazion tres na diashow. L ie da se lascé nuté su nchin al di dant tla Lia de Turism de S. Cristina, tel. 0471 777800.
Fossii y minerei tl Museum Gherdëina
Uni juebia ntan i mënsc de lugio y agost dala 16.00, cun i esperc y scuvridëures dl Itiosaur de Secëda Meinrad Strobl y Johann Comploj vëniel fat na vijita meneda ala sezion di fossii y minerei cun na pert pratica. Dura za. 1 ëura. Per la vijita meneda iel da paië 2,5 € per granc, 5 € per families.

Dotors y Apoteches
Dotors
L dutor de servisc te Gherdëina da n sada ai 14.7. dala 8.00 daduman nchin la 8.00 daduman de n lunesc ai 16.7. ie l dutor Aba Fallaha de Sëlva, tel. 0471/794111 o l 0471 797540 o l 333 9593131.
Doturs Val Badia: Le dotur en sorvisc tl fin dl'edema di 14 y 15 de messé, ti comuns de Mareo y San Martin, é le dotur Aldo Marcocci, Al Plan de Mareo, tel. 0474/501039 o 338/7280518. Ti comuns de Badia, Corvara y La Val él en sorvisc le dotur Alberto Caretta, Badia, tel. 0471/839706 o 380/3161999.
Apoteches
L'apoteca che ie de servisc per Gherdëina, ora dl orar ordiner de giaurida, da n vënderdi ai 13.7. nchin n vënderdi ai 20.7. ie chëla de S. Cristina, tel. 0471/792106 o 333/1776615 (orar de giaurida 8.00-12.00/15.00-19.00).
L'apoteca en sorvisc tla Val Badia, fora dl orar ordinar, dal vëndres ai 13 de messé dales 19.00 al vëndres ai 20 de messé ales 19.00, é chëra da San Martin/Picolin, tel. 0474/523020.

Publizistica
Mi mond dla lijëndes, liber de lijëndes per duta la familia
N juebia ai 19.7. dala 17.00 tla bibliotech O.v. Wolkenstein te Sëlva uniràl prejentà la publicazion nueva de Kathrin Gschleier cun truep de blòt dessënies de Evi Gasser dal titul "Meine Südtiroler Sagenwelt" cun stories misteriëuses di miraculi dla natura.

Temp lede
Degustazions sun Ciampedìe
En jebia ai 19 de messèl da les 19 sun Ciampedìe vegn metù a jir l "Banchet de Re Laurin": bon magnèr e beiver te na maraveousa cornisc da mont. Se l'é burt temp l'event vegnarà sburlà ai 20. L cost per la forenadoa e la degustazion l'é 42 euro per la cena (rebas sot i 12 egn) e 22 per 5 cerces de vin o de bires.
Festival "La Bira te Fascia"
En vender ai 13 e en sabeda ai 14 de messèl da les 17:00 a les 24:00 e en domenia ai 15 de messèl da les 12:00 a les 23:00 ta Ciampedel jun Ischia l'é "La Bira te Fascia", l festival de la bira artejanèla e de la magnadiva del post con musega e legreza.
Sëira dl vin tl raion da jì a pe de S. Cristina
Ncuei vënderdi 13.7. dala 19.30, cërcia de vins dl Südtirol, velch de bon da maië y de bela mujiga cun la grupes "The Jam'son" y "Half Past Twelfe" tl raion da jì a pe a S. Cristina.
Juesc y devertimënt cun Mago Bryan
N vënderdi ai 13. y ai 20.7. dala 20.30 a S. Cristina tl raion da jì a pe dan l hotel Post, saràl Mago Bryan che fajerà d'uni sort de striunëc per pitli y granc.
Marcià de prudoc tipics
N mierculdi ai 18.7. dala 15.00 nchin la 22.00 sun Plaza Nives te Sëlva, marcià de artejanat y de prudoc tipics. Dala 20.30 saràl la grupa de Bal populer de Sëlva y S. Cristina che lascerà udëi n valgun bai.
Artejant artistich de Gherdëina
N mierculdi ai 18.7. dala 20.30 sun Plaza Stetteneck a Urtijëi. L vën prejentà i lëures tradiziunei dl artejanat artistich de Gherdëina te na maniera pratica y dat la puscibltà nce de i purvé ora.
Cujiné sun plaza "Show cooking"
N juebia ai 19.7. dala 16.00 sun la Pitla Plaza de S. Antone a Urtijëi. Desmustrazion de cujiné cun l cuech chef Giancarlo Camisa dl Tubladel, ulache la va de mer contra montes. La ntreda ie liedia cun pitla cërcia dla derzedes cujinedes iló. Tres la sëira menerà Silvia Fontanive.
Sëira longia a Urtijëi
N vënderdi ai 20.7. dala 21.00 inant tl raion da jì a pe de Urtijëi saràl grupes de mujiga che sona dal vif, l unirà pità "drinks" speziei y la butëighes arà daviert nchin mesanuet. Duc ie nviei a unì a se devertì.
Jita cun ciacia al tesor GPS Geocaching
N dumënia ai 22.7. se ùrten dala 9.00 pra la furnadoia de Resciesa. L geocaching ie na forma moderna de ciacia al tesor. Ntan chësta ancunteda uniràl spiegà a chëi che scumëncia coche l funziunea l geocaching y l aparat GPS. Se tò pea da maië y da bever, n ruva de reviers dala 18.00. Infos: 335 6792040
Tl "Saut" a cialé la partides di mundiei
L local di jëuni "Saut" a Urtijëi, cësa di jëuni, ert y cultura, sun Plaza S. Antone, nvieia duc i apasciunei dl juech al palé a unì a cialé la partides di campiunac dl mond sun gran tëila, dala 8 da sëira, dai 30 de juni inant.
Sëira per mutons, cun juesc y devertimënt
Uni lunesc te Sëlva tl raion da jì a pe, dala 20.30 ala 22.30, nchin ala fin d'agost. Juesc y devertimënt per granc y pitli: purvé ora lëures de artejanat, fé n pitl hotel per nsec, mëujer la vacia, codles de jiefa y palons suflei su che giapa d'uni sort de formes, fé goi y striunëc cun Mago Bryan.
Marcià di paures y di artejans
A S. Cristina tl raion da jì pe, uni merdi nchin ala fin de agost dala 19.30 nchin la 22.30. Artejans prejënta si mestier y cie che i fej a man y paures pieta si prudoc zidlei y fac n cësa. Sambën ne manceràl nia mujiga dal vif y uni ena uniràl prejentà n auter ert tradiziunel dl Südtirol.
Ena geologica per mutons
Da n lunesc 30.7. nchin ai 3.8. workshop y jita per mutons dai 8 ai 11 ani (per talian) a Urtijëi tl Museum Gherdëina y sun Secëda, dala 9.30 ala 12.30 cun Stefano Rossignoli. L ie da se scrì ite tl Museum Gherdëina, tel. 0471 797554, info@museumgherdeina.it.
Calfosch: domisdé por mituns
En mertesc ai 17 de messé vëgnel tigní tl parch di tiers a Calfosch n domisdé por mituns. Dales 15:00 sarál n laboratore olache i mituns pó pastlené n paom cun materiai dl bosch. Por tó pert al laborator él da se scrí ite te un di ofizi turistics. Dales 17:00 vá inant le spetacul cun le clown Tino.
I s'incuntun te biblioteca: a La Ila y La Val
Mitans y mituns é inviá a n domisdé te biblioteca, cun stories, pastelné y jüc. An s'incunta en mercui ai 18 de messé te biblioteca da La Ila, en jöbia ai 19 de messé te biblioteca da La Val. Dagnora dales 15:00.

Avisc
Zerimonia de recordanza per la Gran Vera
En domenia ai 22 de messèl sa La Tasćia sora Fuciade da les 10:30 e per dut l dì: "Ciantie sot Nosce Crepe" en recort de la vitimes de la Gran Vera: messa ciantèda dal Cor Val Biois, rievocazion storica e esposizion de retrac. Domesdì cianties da mont coi Cores Valfassa, Genzianella, e Castion de Faver.
Aperitif al Museo
Per dut istà de lunesc h. 17.00 te Museo Ladin con Fondazion Dolomites Unesco cerces de cultura con esperc e con filmac de Pietro Badaloni e cerces de vin e formai sporc da Enoteca Valentini de Cianacei e Mèlga de Fascia. Ai 16 de messèl se rejonarà de Dolomites "da la descorida a la conquista" con la menacrep Marica Favé.
Destudafuech de Sëlva – Di dla porta davierta
N vënderdi ai 20.7. dala 20.30 tenirà i Destudafuech de Sëlva daviert si magasin y fajerà nce de pitla desmustrazions.
L Museum Gherdëina daviert plu giut d'instà
Ntan i mënsc de lugio y agost ie l Museum a Urtijëi daviert dal lunesc ala sada dala 10.00 ala 18.00. L Museum pieta n cheder unich dl'arpejon culturela de nosc raion cun na culezion prijeda de minerei, fossii, reperc archeologics dl raion de Gherdëina y nce na culezion d'ert, de artejanant y de vedla chiena de Gherdëina a scumencé dal XVII centené.
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16.00 ales 17.00 tla ciasa de Comun a Badia.
L'Ofize de "Ëres dëida Ëres"
L'ofize a Bornech é da ciafé tla str. Paul von Sternbach nr. 6, info.bruneck@frauenhelfenfrauen.it. Al é davert dal lönesc al vëndres dales 8.30 ales 11.30. Fora de chësc orar, vëgnel tut sö termins sön prenotaziun. Tel. 0474/410303.
A Medjugorje con Ispirazions d'istà
En jebia ai 19 de messèl per la rassegna "Ispirazions d'istà" te teatr de la curazìa de Ciampedel da les 21.00 vegn endrezà na scontrada con P. Fabrizio Bosin de la Pontificia Facoltà Teologica Marianum che l rejonarà de la prudenza de la Gejia e la devozion di pelegrins envers Medjugorje.
Rabanser a Poza recordan Tita Piaz
Per i 70 egn da la mort de Tita Piaz, l Comitat Manifestazion de Poza ge dedica a l'alpinist na lingia de seres, semper de lunesc ló dal Comun de Sèn Jan, te piaz o te sala del Consei, da les 9 da sera. En lunesc ai 16 de messèl sarà na scontrada con l'alpinist de Gherdena Ivo Rabanser.
Autores e libres a Ciampedel
Dai 20 ai 22 de messèl "Scrittura Festival sulle Dolomiti" con 3 apuntamenc a Ciampedel h. 21.00: en vender te la strutura ADEL jun Ischia l'alpinist Simone Moro prejenta "Devo perché posso"; en sabeda te Piaz de Ciampedel sarà Fabio Genovesi, venjidor del Strega Joegn e en domenia Matteo Cavezzali prejenta "Icarus".
Autores e libres a Ciampestrin
En domenia ai 22 de messèl da les 17:30 al PalaDolomites, jun Palua a Ciampestrin, sarà na scontrèda con Laura Morante che prejentarà sie liber "Brividi immorali" ensema con l giornalist Matteo Cavezzali.

Galaria retrac