Manifestazions atuales

Data

17 de agost 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 17 de agost
Iadi, jites y escurscions
Escurjiun sön la Cima Auta
La Lia da Munt Ladinia - Val Badia organisëia en domënia ai 26 d'agost na escurjiun sön la Cima Auta. Ara é de dificolté mesana, por n tëmp da jí de 6 ores y n deslivel de 1.300 metri. Informaziuns pro Heidi Dapunt al 334/3501192.

Escurjiun sön le Ahrnerkopf

La Lia da Munt Ladinia - Val Badia organisëia en domënia ai 2 de setëmber na escurjiun sön le Ahrnerkopf (3.050 m). Ara é de dificolté mesana, por n tëmp da jí de 8,5 ores y n deslivel söpert de 1.460 metri. Informaziuns pro Christoph Alfreider al 334/3360562.

I fonguns de nüsc bosc

En mertesc ai 21 d'agost dales 14:00 s'incunton pro la ciasa dl parch natural a Al Plan, olache an jará a fá na escurjiun cun le micologh Claudio Rossi, por imparé da conësce i fonguns. Al é debann. Infos y prenotaziuns tla ciasa dl parch al 0474/506120.

I mulins da Bula

Uni merdi dala 14.30 se ùrten sa Mesavia, sa Bula per jì a ti cialé ai Mulins da Bula derturei su a na maniera che n possa udëi mo al didancuei coche i majenova zacan. Dopro pòssen mo jì a ti cialé al verzon dla rojules dl Uhrerhof. L ie da se lascé nudé su nchin al di dant tla Lia dl Turism de Urtijëi, tel. 0471 799600.

Raida di mejes sa Sacun

For de mierculdi, dala 9.00-13.00, nchin ala fin de agost. L Museum de Gherdëina pieta na raida di mejes sa Sacun cun na ntroduzion ala cuntreda culturela tl Museum Gherdëina y vijita dla dlieja da Sacun.
Menedes vën la jites da Annemarie Höglinger (tudësch) y Isabella Penzo (talian). Da se scrì ite iel tl Museum Gherdëina nchin al di dant. Da paië ite iel 20 €.

Jita geologica sun l Geotrail

Uni vënderdi nchin ala fin de agost vëniel pità na jita geologica sun l Geotrail sa Bula cun n paleontologh che dajerà stlarimënc n con' dla evoluzion dla tiera y la furmazion dla Dolomites, usservan la vëtes de crëp. N muev for a Urtijëi dala 14.00. L ie da se lascé nudé su nchin al di dant tla Lia dl Turism de Urtijëi, tel. 0471 799600.

Sport
Abonamenc hockey Falcons
L'é avert la campagna de abonamenc per l campionat de hockey 2018/2019 di Fascia Falcons. L cost de l'abonament l'é de 150 euro con rebasc per pachec de abonamenc. Info: tel. 0462.602499, mail: info@fassafalcons.com.

Turnoi nternaziunel de tennis

Nchin dumënia ai 19.8. iel tl Zënter Iman a Santa Cristina n turnoi nternaziunel mpurtant de ëi de tennis.

Grand Prix Trentino 2018 a Moena

FIn ai 19 de aost jun Navalge l'é l tornoi de tennis Trofeo Cassa Rurala Dolomiti, de valuta per l Grand Prix Trentino 2018, resservà a jiadores de 3^ e 4^ categorìa e no classifiché, de ic e dopie. Info al 0462/574013 o tcmoena@gmail.com.

Partides dl HCG

La partida te Sëlva dl HC Gherdëina pra l Segondo Turnoi Ladin ie ncuei vënderdi ai 17.8. dala 21 contra i Fascia Falcons. Sëuraprò iel n juebia ai 23.8. na partida contra l HC Renon dala 21.

Tornoi Ladin Elite: Fascia contra Ampez

En vender ai 24 de aost da les 21.00 tel stadie Gianmario Scola de Dèlba per l tornoi Ladin Elite vegn jià fora la partida di Fascia Falcons contra l'H.C. Cortina. Servijie de trasport da Piaz Marconi a Cianacei.

Avisc
Cognoscer la Dolomiti patrimonie Unesco
En domenia ai 19 de aost da les 21.00 al PalaDolomites te Palua a Ciampestrin, scontrèda con l geologh Emiliano Oddone de Dolomiti Project.

Aperitif al Museo

Per dut istà de lunesc h. 17.00 te Museo Ladin cerces de cultura con esperc e cerces de vin e formai sporc da Enoteca Valentini de Cianacei e Mèlga de Fascia. Ai 20 de aost "Miti ladini delle Dolomiti", enconter con Ulrike Kindl e Nicola Dal Falco, autores de publicazions sui mic ladins.

Udiënzes dla Uniun di Ostis

La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16.00 ales 17.00 tla ciasa de Comun a Badia.

L'Ofize de "Ëres dëida Ëres"

L'ofize a Bornech é da ciafé tla str. Paul von Sternbach nr. 6, info.bruneck@frauenhelfenfrauen.it.
Al é davert dal lönesc al vëndres dales 8.30 ales 11.30. Fora de chësc orar, vëgnel tut sö termins sön prenotaziun. Tel. 0474/410303.

Avis por chi che ó fá l'ejam da Pëiapësc

La Uniun Pëiapësc de Badia lascia alsavëi che anter i 23 d'agost 2018 mëss i interessá ala pëscia presenté domanda da jí a fá l'ejam ala Provinzia - Ofize Ciacia y Pëscia. Por informaziuns y aiüt da fá la domanda él la Uniun Pëiapësc Badia che se mët a desposiziun.
Contaté Enrico Zona al 335/8398720 o Gilbert Irsara al 338/1807071.

Dé ite les manifestaziuns sön manif.it

Le Sorvisc Formaziun inviëia les lies dla Val Badia y de Gherdëna da dé ite sön la plata internet www.manif.it les manifestaziuns por l'altonn 2018, o da les mené al Sorvisc de Formaziun anter i 27 d'agost, por podëi les stampé tl codejel. Ci che gnará inserí o dé jö do chësta data, gnará ma plü publiché te internet.

Comunicazion a duta la lies de Gherdëina

L Servisc de Furmazion ulëssa ti dé da lecurdé a duta la lies de Gherdëina de dé ite la manifestazions da d'autonn nchin ai 26.08 tres l portal internet www.manif.it, per l „Cudejel dla manifestazions" y per i media dl raion. Duta chësta formes de retlam ie debant!

L Museum Gherdëina daviert plu giut d'instà

Nchin ala fin d'agost ie l Museum a Urtijëi daviert da lunesc nchin sada dala 10 nchin la 18.
L Museum pieta n cheder unich dl'arpejon culturela de nosc raion cun na culezion prijeda de minerei, fossii, reperc archeologics dl raion de Gherdëina y nce na culezion d'ert, de artejanant y de vedla chiena de Gherdëina a scumencé dal XVII centené.

Marika Favè e la Patagonia

En sabeda ai 18 de aost da les 21.00 al teater de la curazìa de Ciampedel sera informativa co la menacrep Marika Favé che prejenta sia esperienza sul Cerro Mascara.

A Poza scontrèda con Andrea Bianchi

Per i 70 egn da la mort de Tita Piaz, l Comitat Manifestazion de Poza endreza na lingia de scontrèdes su l'alpinism de lunesc da les 21.00 te sala del Consei del Comun de Sèn Jan.
Ai 20 de aost l'é en program la scontrèda con Andrea Bianchi, autor del liber "Camminare scalzi nella Natura per far bene all'anima".

L'ambra de la Dolomites

En jebia ai 23 de aost da les 21.00 te la ex sala del Consei de Comun de Vich, l geologh Guido Roghi rejona de la storia de nesc crepes, longia 230 milions de egn.

Publizistica y leteratura
Libri dla montes - Ancuntes cun autores
Nce ntan chësc instà iel la ancuntedes cun autores, che cunterà de si libri y sarà a despusizion per descuscions cun l publich. L'ultima doi ancuntedes a Urtijëi tla Cësa di Cungresc: ncuei vënderdi ai 17.8. Mauro Corona cun "Tl mur", n merdi ai 21.8. Piercamillo Davigo cun "Tla Talia cunvëniel jì contra la lege".
L orar ie for dala 17.30 inant. La ntreda ie debant.

"Il libro nella roccia" a San Ciascian

En gaujiun dl "Paisc in festa" a San Ciascian, sarál ai 22 d'agost dales 17:30 l'ilustradú badiot Emil Valentini che presentëia le liber "Ander - Le gigant dles Dolomites", tl Museum Ladin Ursus ladinicus. Dedô gnarál tigní n laboratore sön la laurs.

A Pera l liber de don Edy

En mèrtesc ai 21 de aost da les 21.00 te gejia parochiala de Pera vegn prejentà l liber "Ricordando don Edy (1902-1988)", con i autores de la publicazion che portarà dant vita e recorc leé a chest benvolù preve de paìsc.

"Un libro un rifugio" - incuntades cun l'autur

L'iniziativa vá a piz cun i ultims dui apuntamënc.
Incö vëndres ai 17 d'agost él Francesca Melandri che presentëia le liber "Sangue giusto".
En lönesc ai 20 d'agost él Guido Rispoli cun Piercamillo Davigo che presentëia le liber "Ingadine sull'eternità". Les incuntades é intrames dales 17:30 te salf dles manifestaziuns a Corvara.

Liber de Attilio Dantone sul Nepal

En vender ai 17 de aost da les 16.30 a Moena te Spiaz de le Perle Alpine (o te sala de Consei se l'é burt temp) Attilio Dantone da Dèlba prejenta sie liber "Le farfalle impazzite", diarie de sie viac tel Nepal ti dis dramatiches del teremot, con l'obietif de binèr ofertes per fèr sù na scola te chel paìsc.

Amor e vera te n liber a Cianacei

En jebia ai 23 de aost da les 21.00 te sala de Consei del Comun de Cianacei, Maria Saccarello prejenta l liber "Lettere dal fronte. Un carteggio autentico.
Un amore più grande della guerra" de Giuseppe Tonini e Ausonia Curti.

Prejentazion liber a Cianacei
En vender ai 17 de aost da les 21.00 te sala del Consei de Comun de Cianacei, per endrez de la Biblioteca, Gregorio Fracchia prejenta "L'altro suono dell'ombra".
Ai 24 de aost Mauro Valentini e Licia Campi Pezzi portarà dant "Maria Teresa d'Austria: la sovrana riformatrice che salvò l'impero degli asburgo".

Dotors y Apoteches
Dotor
L dutor de servisc te Gherdëina da n sada ai 18.8. dala 8.00 daduman nchin la 8.00 daduman de n lunesc ai 20.8. ie l dutor Giuliano Piccoliori de S. Cristina, tel. 0471 792282 o 348 3301004.
Le dotur en sorvisc tl fin dl'edema di 18 y 19 d'agost, ti comuns de Mareo y San Martin, é le dotur Luca Galiazzo, tel. 342/5181295. Ti comuns de Badia, Corvara y La Val él en sorvisc le dotur Alberto Caretta, Badia, tel. 0471/839706 o 380/3161999.

Apoteca

L'apoteca che ie de servisc per Gherdëina, ora dl orar ordiner de giaurida, da n vënderdi ai 17.8 nchin a n vënderdi ai 24.8., ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
L'apoteca en sorvisc tla Val Badia, fora dl orar ordinar, dal vëndres ai 17 d'agost dales 19:00 al vëndres ai 24 d'agost ales 19:00, é chëra d'Al Plan, tel. 0474/501240.

Temp lede
Vijite acompagnade al Ciastel de Andrac
Dal 24 de luio al 09 de setembre duc i martes, le juobe e le domenie daremesdì da le 14.00/15.00/16.00/17.00 se podarà vede l Ciastel de Andrac con le vijite acompagnade. Per info e prenotaziogn 334 3346680 – info@castellodiandraz.it .

Marcui de la cultura ladina

Torna incia sto an n Anpezo i marcui de la cultura ladina ulache, con dei percors fai auna al prof. Paolo Giacomel, se pol cugnesse e aprofondì la storia, l'art e la cultura de Anpezo. Marcui 22 de agosto se se ciatarà da le 10.30 davant a calonia per n percors su la famea dei preve Frenademetz e da le 16.30 davant al mujeo etnografico per vede la mostra "Anpezo in mujiga". Per info 0436 869086 –www.cortinadolomiti.eu o 0436 868615 – ra.ulda@tin.it .

L Ciastel nanter storia, mont e legende

Juoba 23 de agosto le guide Mazarol le organiza al Ciastel de Andrac na giornada davarta ai tosac e a sue famee sul tema de "Le bestie de le Dolomiti". Per info e prenotaziogn 334 3346680 - info@castellodiandraz.it .

Falconeria al Ciastel

Domenia 19 de agosto da le 11.00 navant al Ciastel de Andrac se podarà vede per duta la giornada dimostraziogn fate dal falconier Alberto Lideo e da sue bestie. Per info e prenotaziogn 334 3346680 – info@castellodiandraz.it .

A spas co la Musega a Poza

En mercol ai 22 de aost da les 21.00 a les 23.00 a Poza "A spas co la musega", sera de entrategniment, animazion, musega, spetacoi e douces de la tradizion su per strada Meida, che per l'ocajion vegn serèda al trafich.

Dèlba sot la steiles

En mercol ai 22 de aost da les 21.00 ta Dèlba sera con degustazion de magnadiva da n'outa e entragtegniment de musega dò strèda. Se fossa bult l vegn sburlà a en jebia ai 23.

Entorn Vich

En mèrtesc ai 21 de aost da les 19.30 fin les 22.30 a Vich sera de degustazions de magnadiva da n'outa e vins locai, con musega e veia tradizions enlongia la strèdes del paìsc.

"The Summer Ski Show" a La Ila

La scora de schi da La Ila mët da jí n spetacul söla nëi, incö vëndres ai 17 d'agost dales 21:15 inant. Tl parch dlungia la scora de schi da La Ila podarán odëi schiadus y mesi che vëgn jö por pista y porvará da passé ia la nodadoia jödapé, sciöche ince salc dl grup freestyle "The Pirates".

Calfosch: spetacul cun marionëtes

En mertesc ai 21 d'agost dales 17:00 inant vëgnel tigní tl parch di tiers a Calfosch n spetacul cun marionëtes adöm cun Alberto de Bastiani. Al cuntará la storia di fredesc Grimm "La bela Fiordaliso y la stria Tirovina".

Jita cun lama y alpaca

En mercui ai 22 d'agost á pici y gragn la poscibilité da fá na jita cun lama o alpaca. An pëia ia da La Ila, por jí cina al Lech da Sompunt. La jita pëia ia dales 10:00 danmisdé y ince dales 15:00. Prenotaziuns anter le de denant pro i ofizi turistics dl'Alta Badia.

La Crusc: Sonns tla natöra

En mertesc ai 21 d'agost dales 11:00 ales 13:00 vëgnel tigní sö La Crusc a Badia la manifestaziun "Sonns tla natöra", na sesciun de meditaziun, relassamënt y massaje tres le sonn dl gong. Prenotaziuns ti ofizi turistics dl'Alta Badia.

Showcooking sö alalt

En jöbia ai 23 d'agost pón imparé pro la ütia Moritzino da fá tutres. Le curs mët man dales 15:00 y an mëss se scrí ite pro un di ofizi turistics dl'Alta Badia.

Sëira per mutons

Uni lunesc te Sëlva tl raion da jì a pe, dala 20.30 nchin la 22.30, nchin ala fin d'agost. Juesc per granc y pitli: purvé ora lëures de artejanat, fé n pitl hotel per nsec, mëujer la vacia, codles de jiefa y palons suflei su che giapa d'uni sort de formes, fé goi y striunëc cun Mago Bryan.

Juesc y devertimënt cun Mago Bryan

Uni vënderdi nchin ala fin d'agost dala 20.30 a S. Cristina tl raion da jì a pe dan l hotel Post, saràl Mago Bryan che fajerà d'uni sort de striunëc per pitli y granc.

Butles de jiefa

N mierculdi ai 22.8. dala 14 inant iel tla ustaria Ciampac te Sëlva n domesdì per mutons y mutans cun la butles de jiefa.

Stories, cuntedes y taialonges per mutons

N mierculdi ai 22.8. dala 16.30 tla Biblioteca Tresl Gruber a S. Cristina cun Maria Assunta Bruschi.

N conta lijëndes dla Dolomites

Uni juebia nchin ai 23.8. dala 17.00 tla Biblioteca O.v. Wolkenstein de Sëlva vëniel cuntà y liet dant ai mutons lijëndes dla Dolomites. La manifestazion ie debant, ma l ie da se lascé nuté su danora tla biblioteca, tel. 0471 772181 o bibliothek@selva.eu.

Marcià tla Dolomites te Sëlva

Uni mierculdi, vënderdi y dumënia nchin ai 2 de setëmber, for dala 4 domesdì nchin la 10 da sëira. Uni mierculdì da sëira saràl de biei cunzerc. Uni vënderdi ie dedicà al strudl, uni dumënia ala bales. Na cunlaurazion danter Lia dl Turism de Sëlva y buteghieres y osć dla valeda.

Stories curtes, poejies y mujiga

N mierculdi ai 22.8. iel dala 20.30 nchin la 22.30 tla Biblioteca Tresl Gruber de S. Cristina da scuté su stories curtes y poejies de autëures jëunes, danter l'autres nce Nadia Rungger de Gherdëina. L sarà nce da scuté su mujiga.

Proa di Destudafuech

N lunesc ai 20.8. dala 21.15 inant iel sun Plaza de Sant Antone na proa di Destudafuech de Urtijëi.

Sëira dl guant dala gherdëina

N merdi ai 21.8. dala 20.30 inant iel sun Plaza de Dlieja a Uritjëi da udëi coche artejans y artejanes lëura per fé l guant dala gherdëina. Dala 21 inant iel pona la defileda di guanc dala gherdëina. L sunerà la Mujiga de Bula.

Sëira dla nëif

N mierculdi ai 22.8. iel tl raion da jì a pe de Urtijëi dala 21 inant na sëira de nëif metuda a jì dala Scola de Schi y Snowboard de Urtijëi.

Jì a crì ciafites

N juebia ai 23.8. iel tl raion da jì a pe a Santa Cristina dala 20.30 nchin la 22.30 da jì a crì pitla ciafites tla vedrines dla butëighes. Da vëncer n bonn per cumpré ite.

Sëira longia a Urtijëi

N vënderdi ai 24.8. iel a Urtijëi dala 21 inant tl raion da jì a pe la sëira longia.

Mostres y Ert
Mostra "I fiori per fa l'art, l'art per cugnesse i fiori "
Da vender 27 de luio fin ai 09 de setembre se podarà vede al Ciastel de Andrac na mostra che conta i fiori co l'art dei acuerelli de Riccardo Gabrielli da Colac.
N colaborazion col Istitut Cultural ladin Cesa de Jan e col comun, co l'Union di Ladins e col mujeo etnografico da Fodom. Per info 334 3346680 – info@castellodiandraz.it .

Mostra sul pitor Francesco Ferdinando Rizzi

Te la veia senta del Consorzie Eletrich "ta la Luce" te Vidor a Poza per endrez de la sociazion culturala "I Fiorimes" l'é stat metù fora na mostra de chèdres e documenc del pitor Francesco Ferdinando Rizzi. Se pel la veder fin ai 9 de setember, la é averta da les 15.00 a les 18.00.

Mostra de Carlo Mussner y Hans Rabanser

Tl salf dl Istitut Ladin a San Martin de Tor él da odëi cina ai 2 de setëmber na mostra de Carlo Mussner y Hans Rabanser de Urtijëi.
Ara é daverta vigni de dales 10:00 ales 12:00 y dales 15:00 ales 19:00.

Vijites a la Sezions del Museo: l Malghier
Via per dut istà se pel vijitèr debant la Sezions sul teritorie del Museo Ladin. L Malghier a Pera aló da la Mèlga de Fascia l'é avert duc i dis h. 8.30-12.30 e 15.30-19.00. De mèrtesc e de jebia h. 10 vijita vidèda e cercia con prenotazion al 0462.764076.

Vijites a la Sezions del Museo: l Segat

Via per dut istà se pel vijitèr debant la Sezions sul teritorie del Museo Ladin. L Segat a Meida é avert de mèrtesc, jebia e sabeda h. 10-12 e de lunesc, mercol e vender 15-19. De vender h. 10 vijita vidèda con prenotazion per les 19 del dì dant te Museo Ladin al 0462.760182.

Vijites a la Sia e al Molin

Via per dut istà se pel vijitèr la Sezions sul teritorie del Museo Ladin. La Sia a èga ta Penìa e l Molin de Pezol a Pera é averc duc i dis fora che de domenia h. 10-12 e 15-19. Te Molin l'é ence vijites vidèdes de lunesc e mercol h. 10 e de jebia e vender h. 17.30.

Vijites al Stont a Ciampedel

A Ciampedel l'é avert l Stont, neva sezion del Museo Ladin, che se pel vijitèr dut istà dal lunesc a la sabeda da les 17 a les 19 e de jebia ence da les 9 a les 11 da sera. Ogne mercol da les 10 da doman l'é la vijita vidèda: ge vel se enscinuèr te Museo Ladin, tel. 0462.760182, per les 19.00 de la sera dant.

Mostra coletiva dl'Unika

I artisć dl'Unika à giaurì na mostra coletiva a Urtijëi, tla sala Luis Trenker tla Cësa de Cultura basite. La sarà davierta nchin duman ai 18.8.2018, uni di dala 10.00 nchin la 12.00 y dala 15.00 nchin la 19.00.

"Selvaggio Blu" mostra de fotografies

Tl Café Surëdl a Urtijëi tla streda Roma, mostra de fotografies de Engl Colcuc, fates ntan na jita tla natura salvera dla Sardegna ora per la rives ërtes sun l ëur dl mer. La mostra ie da udëi da lunesc nchin sada, 10.00 - 19.00.

Mostra de Adolf Vallazza

Nchin ai 23.9. iel da udëi a Cles tl Palazzo Assessorile na mostra dl artista de Gherdëina, cun lëures de scultura, ma nce schizes y dessënies, nce n pitl film/ntervista cun l artista, tëut su per chësta ucajion. La mostra ie davierta de lunesc 14.30-18.30, da merdi nchin dumënia 10.00-12.30 y 14.30-18.30, de lugio y agost nce sada y dumënia sëira 20.00-22.00.

Mostra de Willy Verginer

Tl Tublà da Nives te Sëlva iel da udëi la mostra "sotsëura" de Willy Verginer, davierta nchin ai 2.9.. Davierta uni di 10-12 y 16-19. De dumënia, merdi, mierculdi y vënderdi nce 20.30-22.30.

Opra de Wilhelm Senoner

Da duman ai 18.8. nchin ai 18.10. iel da udëi n lëur artistich de Wllhelm Senoner de Urtijëi tla Vila dl Coser a Bad Ischl tl'Austria.

Scultura y liber

N sada ai 25 de agost iel tl Zënter Typak a Urtijëi da udëi la scultura „L ritm dl vester" de Wilhelm Senoner. N ucajion dla vernissage dala 18.00 inant uniràl prejentà l liber "Murfrëit", che conta dla espusizion de Senoner che ie stata sun i prei de Frea.

Mostra de fotografies te Chemun

Ncuei vënderdi ai 17.8. y duman sada ai 18.8 iel tla Sala de Chemun de Santa Cristina dala 8 nchin la 18.30 da udëi la mostra de fotografies "L'ana y si luesc."

Mostra de guanc andins de l'OMG

A Poza, Vich e Cianacei esposizion de guanc, tapees e recames fac tel Perù te la miscions de l'Operazione Mato Grosso. Averta con orarie 9.30-12.30 e 15.30-22.00: a Vich te Ciasa Marmolada e a Poza te Oratorie fin ai 19 de aost; a Cianacei te Calonia la restarà fora enscin ai 26 de aost.

"Contemporaneo alpino"

A Ciavaleis tel Zenter de èrt contemporana enscin ai 16 de setember esposizion de operes de desferenta formes de èrt (fotografìa, pitura, scultura e video-èrt) che l museo à ciapà en don tel cors di egn de atività. Oraries: mèrtesc-sabeda: 10.00-12.00 e 15.30-19.00, domenia 15.30-19.00. Contac: info@artecavalese.it

Museo de la Vera sun Fedaa

L Museo de la Vera de Andrea De Bernardin sun Fedaa l'é avert chest istà duc i dis, fora che de mèrtesc, con orarie 10.00-12.30 e 14.00-17.30.

Mostra su la Gran Vera a Someda

A Someda te tobià de la Nenola d'istà se pel veder i reperc troé su la linia del front su la crepes de Fascia. L'esposizion é averta de mercol h. 10.00-12.30 e de vender h. 17.00-19.00. Per la vijitèr te etres oraries l'é da chiamèr l numer 334.8222082.

Oraries Mostra Gran Vera

La Mostra su La Gran Vera te Navalge a Moena la é averta per dut istà duc i dis con orarie 10.00-12.30 e 15.30-19.00 e de mercol ence h. 21.00-23.00. De mercol da les 17.00 l'é la vijita vidèda: ge vel se prenotèr al 346.2415776.

Oraries del Museo Ladin de Fascia

La senta zentrèla del Museo Ladin de Fascia a Sèn Jan é averta per dut istà duc i dis con orarie 10.00-12.30 e 15.00-19.00. De jebia da les 10.00 l'é la vijita vidèda compagné dai esperc, l'é benfat prenotèr al 0462.760182.

Chèdres e scultures te Tanart

A Cianacei te la galarìa Tanart (Str. Roma 66) se pel veder la scultures de Matthias Sieff e i chèdres de "I pittori della montagna", 30 operes de artisć che à cernù i crepes desche fontèna de ispirazion. Enscin ai 31 de aost te chisc dis e oraries: mèrtesc - domenia 10.30-12.30 / 16.00-19.30 / 20.00-22.00.

Helmut Pizzinini a Corvara

En mertesc ai 21 d'agost dales 18:00 saral la daurida dla mostra personala de Helmut Pizzinini tl salf "Caminetto" al Hotel La Perla a Corvara.

Mostra coletiva "Contemplatio"

A Karthaus te Schnals. Danter i 17 artisć nviei dala lia culturela de Schnals y l Südtiroler Künsterbund iel nce cin' artisć de Gherdëina.
La mostra ie davierta nchin ai 26.8. da lunesc nchin sada 14.00-18.30, de dumënia y dis de festa nce 10-12.

Chino
Al chino de Cianacei
Al chino de Cianacei en vender ai 17 de aost h. 17.00 e 21.15 se pel veder "Dog Days".
En sabeda ai 18 e en domenia ai 19 h. 17.00 e ence h. 21.15 e h. 23.00 vegn moscià "The Darkest minds". Info piata facebook:cinemamarmoladacanazei2; tel. 0462-871034.

Al chino de Tieser

Al chino de Tieser en vender ai 17 de aost h. 21.15 se pel veder "Shark. Il primo squalo". Info www.cinematesero.com

Al chino de Pardac

Al chino de Pardac en vender ai 17 de aost h. 21.15 se pel veder "Overboard". En sabeda ai 18 h. 21:15 e en domenia 19 h. 17.00 e 21.15 vegnarà moscià "Ant-Man and the Wasp".
En lunesc ai 20 h. 21.15 "Io, Dio e Bin Laden". En mercol ai 22 h. 21.15 "Giochi di potere". En mercol ai 22 h. 17.00 e ence en jebia ai 23 e en vender ai 24 h. 21.15 vegn moscià "Hotel Transylvania 3". Info piata facebook: Cinema Di Predazzo.

Chino per mutons

N juebia ai 23.8. dala 17.00 nchin la 18.30 tla Biblioteca S. Durich a Urtijëi uniràl mustrà n film tla rujeneda tudëscia. Nchin ala fin de agost uniràl mustrà uni juebia n film adatà per mutons, l program plu avisa di film che unirà mustrei ie da udëi tla biblioteca.

Segres y festes
"Paisc in festa" a San Ciascian
En mercui ai 22 d'agost. Dales 16:00 inant marcé de produc dl post y al vëgn dé fora spezialités gastronomiches. Al sonará le duo "Vic & Daniel" y le grup "Slow Down". I mituns pó tó pert al laboratore creatif "Tl rëgn di tiers", metü da jí dai colaboradus dla Ciasa dl Parch Natural Fanes - Senes - Braies.

Radio y Televijion
RADIO
"LADINIA LIVE": Microfons davierc sun atualità y cultura
La trasmiscion ie da audì uni merdi y mierculdi dala 13:45 ala 14:00 sun la frecuenzes de RAI LADINIA
La trasmiscion "DAI CRËPS DL SELA" ie da audì uni di dala 19:05 ala 19:30 sun la frecuënzes de RAI LADINIA
Vënderdi, 17 de agost - Blanch y Fosch: Lois Taibon y Josef Pedevilla
Ai 21 de utober iel chëst ann la veles per l cunsëi provinziel de Südtirol. Na ciaculeda cun doi candidac ladins: Lois Taibon (Freiheitliche) y Josef Pedevilla (Movimento 5 Stelle). Trasmiscion de Simon Moroder
Dumënia ai 19 de agost - De viac tl mond dla mujiga moderna: Phil Reynolds
Phil Reynolds ie si inuem de ert, masi drë inuem ie Silva Cantele y ël vën da Vicenza. Ël ie n ciantautor de profescion y nce sce tl prim ne fovel nia saurì possel sën viver la vita che l se ova da for nsemià. Ai 22 de agost sonel te Sëlva, sun Pra da Nives y prejënta si CD nuef "Lovers, Covers and A Phone".
Trasmiscion de Tobias Dellago
Lunesc, 20 de agost - Familia Schuen – l rundenësc ora de vedla cunties (2 pert)
Hilda y Paul, Andrè y la Ganes Elisabeth y Marlene in concert - mujiga, pensieres y cunsciderazions ora dl cunzert dla familia Schuen, a Urtijëi ai 16 de auril 2018, dal titul "l rundenësc ora de vedla cunties – n viac mujichel tres l mond mistich dla liejëndes dla Dolomites". Program de Leo Senoner.
Mierculdi 22 de agost - Raides e curiositèdes: Bornech
Claudia Conta ne mena a descuerjer la zità de Bornech, so ciastel, la stua-ostaria al numer 43 olache troon tropes depenc, recordaron ence i Messner mountain museum de Ripa e de Plan de Corones apede a vèlch curiosità su la cortina, la gejia e Michael Pacher. Program de Anna Mazzel.

TELEVIJION

Merdi 21 de agost dala 20:50 - Sport ladin
Program de Diego Clara y Hartmann Mairhofer, a cura de Leo Senoner.
Mierculdi 22 de agost dala 20:50 - Trail spezial
Trasmiscion a cura de Mateo Taibon.
Juebia 23 de agost dala 20:50 - Cult - rituai da inier y incö: La magia dl'ega
Co ciarass pa fora nosta vita zënza ega? Y podess pa la vita ester zënza ega? L'ega é l'elemënt fondamental por che i podunse ester sön chësc planët. Vigni planta, vigni tier y vigni porsona l'adora. N gröm é les formes por podëi l'anuzé y por podëi fá la vita plü rica. Program de Daria Valentin y Hanspeter Karbon, a cura de Alessandro Dapunt.

Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota "Mediateca" y les trasmiscions radio sota "Podcast".

Cursc
Co dìjen pa per ladin?
Una na lezion de ladin. Ancunteda cun la rujeneda y cultura ladina. Uni lunesc nchin ai 27.8. dala 17.00 nchin la 19.00 tl Istitut Ladin te Sëlva. Pensà per seniëures ma nce per duc i autri nteressei. Cun Karin Comploj. Da se scrì ite iel da Active & Events, Plaza Nives, tel. 0471 777999.

Curs per se njenië ca a parturì

Per ëiles che aspieta y genitores dl daunì, che à l terminn danter utober y dezëmber 2018. L'ancuntedes sarà tla palestra dla Cësa de Paussa a Urtijëi, dai 27.8. nchin ai 1.10. uni lunesc dala 16.00 nchin la 18.00/19.00. Iscrizions: CUPP tel. 0471/457457, 8.00-16.00 da lunesc nchin vënderdi; email vormerkung.bz@sabes.it; ëifoma 0471 797778; assistënta sanitera 0471 794290.

Cursc de arpizeda sportiva

I cursc y i trainings de arpizeda sportiva scumëncia inò de setëmber. Per nfurmazions plu avisa cherdé su l 333 5235675 o l 0471 786181.

Religion
Pelegrinaje a Medjugorje
Pelegrinaje a Medjugorie, dai 29 de setëmber ai 3 d'otober 2018. Por informaziuns y prenotaziuns pón contaté Cristine y Konrad da La Val al numer de telefonn 0471/843077 o 344/2726701.

Referac
Le monn di fonguns
En vëndres ai 24 d'agost él dales 21:00 n referat tla ciasa dl parch a Al Plan, olache le micologh Claudio Rossi spligará ci fonguns che an pó mangé, ciügn che é da tosser y ciügn che vëgn tuc ca tla medejina.

Usservé la stëiles

Uni mierculdi nchin ai 5.9. vàn sun Mont de Sëuc a ti cialé ala stëiles cun n hobby-astronom: n puderà usservé planëc y stëiles tres n telescop. N se urta dala 21.00 pra la stazion japé dla furnadoia de Mont de Sëuc. L ie da se lascé nuté su nchin al di dant tla Lia dl Turism de Urtijëi, tel. 0471 777600.

Fossii y minerei tl Museum Gherdëina

Uni juebia nchin ala fin de agost dala 16.00, cun i esperc y descuridëures dl Itiosaur de Secëda Meinhard Strobl y Johann Comploj vëniel fat na vijita meneda ala sezion di fossii y minerei cun na pert pratica. Dura za. 1 ëura. Per la vijita meneda iel da paië 2,5 € per granc, 5 € per families.

Sozial
Portel de referiment sozièl
Ogne mercol da les h. 16:00 a les 18:00 te strèda di Pré de Lejia a Sèn Jan per endrez del Comun general de Fascia vegn metù a jir n portel de referiment sozièl avert a duc e no a paament. Ge vel se prenotèr. Per aer informazions chiamèr l 370.3004296 o scriver a sportello.lerais@gmail.com

Mujiga
Note di Notte
Vender 24 de agosto da le 20.45 al Ciastel de Andrac conzert del Coro Fodom.

Conzert de orghegn e oujes a Moena

En domenia ai 19 de aost da les 21.00 te gejia de Sèn Vile a Moena conzert de orghegn e oujes dedicà a SS. Maria Assunta con cianties classiches e de la tradizion. Sona i organisć de nonzech internazionèl Alex Gai e Ai Yoshida e cianta i soprans Marion Pernter e Angela Chiocchetti.

Aneta e Conturina a Lavis e Trent

La operes ladines endrezèdes da la Sociazion Aurona va fora de val: Conturina vegn portèda dant en sabeda ai 25 de aost h. 21.00 a l'Anfiteatro de Lavis e Aneta sarà en scena ai 15 de setember h. 21.00 al Sociale de Trent. Info: www.aurona.eu

Cianté y soné fora por les üties

En domënia ai 19 d'agost dales 13:30 inant cianta tla Ütia Las Vegas a San Ciascian le Coro Fodom.

Conzerc tl "Ciastel dla müjiga"

Tla curt dl ciastel Colz a La Ila vëgnel tigní en domënia ai 19 d'agost dales 21:15 n conzert cun la ciantarina taliana Rossana Casale. Sce al é bur' tëmp, vëgn le conzert tigní te salf dles manifestaziuns.

Val Badia Jazz Festival

Le festival vá inant ai 19 d'agost dales 13:00 tla ütia Jimmy sura Frara, cun n conzert dl "JEMM Music Project". Ai 23 d'agost dales 21:00 inant sona tl Hotel Col Alto le duo "Double soul".

Corvara: conzert de Rock'n'roll

En mertesc ai 21 d'agost dales 21:15 sona sön plaza de Comun a Corvara le grup "William T & The Black 50's".

Conzert pro les cascades dl Pisciadú

En mercui ai 22 d'agost dales 15:00. Al sona le trio di corgn da munt "Sassongher".

Conzert a Pescosta

La Müjiga Calfosch/Corvara tëgn conzert a Plan da Murin a Pescosta, en vëndres ai 24 d'agost dales 21:15. Sce al é bur' tëmp, vëgn le conzert tigní te salf dles manifestaziuns.

Me+Marie sun Ciampac con JMMJ

En jebia ai 23 de aost da les 12.00 sun Ciampac, conzert de Me+Marie la cobia ladinae romancia de Maria Moling e Roland Vögtli per la rassegna "Joegn, Mendranzes e Musega jazz" de Panorama Music Festival, en colaborazion con La Grenz. Se fossa burt temp l conzert sarà al Refuge Crepa Neigra.

Panorama Music Festival sun Lujia

En domenia ai 19 de aost per Panorama Music Festival da les 12.00 ló dal refuge Chalet Valbona sun Lujia conzert con la musega d'autor de Roberta Giallo. Se fossa burt temp l conzert vegnarà fat daìte te refuge.

Cunzert dla Mujiga de Bula

Ncuei vënderdi ai 17.8. iel dala 21 tl zënter de Bula n cunzert dla Mujiga dl luech.

Cunzert sa Bula te dlieja

N dumënia ai 19.8. dala 17 iel tla Dlieja de Bula n cunzert cun la grupa De Cater y l "Blechbläser Unknown Brass".

Sëira cun ciantarins

N mierculdi ai 22.8. iel dala 20 nchin la 22 sun l Pra da Nives te Sëlva na sëira cun i ciantarins Andreas M. Kondrak y Phill Reynolds y la ciantarina Marion Moroder.

Cunzert dla Mujiga de Neva Ladina

N mierculdi ai 22.8. iel tl Zënter Iman a Santa Cristina dala 21 nchin la 22 n cunzert dla Muiga de Neva Ladina/Welschnofen.

Cunzert dla Mujiga de Sëlva

N juebia ai 23.8. iel dala 21 inant sun Plaza de Chemun te Sëlva n cunzert dla Mujiga de Sëlva.

Cunzert te dlieja de Sëlva

N vënderdi ai 24.8. iel dala 21 inant tla dlieja de Sëlva n cunzert dla grupa "Tsarevich Don Cosacs".

"Ciodí pa le dí canche te pos le cianté?"

Le cor AnterVoisis d'Antermëia inviëia a sü conzerc „Cartoons" sot al tema "Ciodí pa le dí canche te pos le cianté?": ai 23 d'agost a Al Plan dales 21.00 tl salf dles manifestaziuns, ai 25 d'agost a La Ila dales 21.15 tl salf dles manifestaziuns y ai 26 d'agost a Antermëia dales 21.00 tl salf dles manifestaziuns.

Galaria retrac