Manifestazions atuales

Data

09 de november 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 9 de november
Radio y Televijio
RADIO
"LADINIA LIVE": Microfons davierc sun atualità y cultura
La trasmiscion ie da audì uni merdi y mierculdi dala 13:45 ala 14:00 sun la frecuenzes de RAI LADINIA
Mertesc, 13 de novëmber dala 13:45 - Adide identità! Ma và identità!
Ai 17 de novëmber mët la SAAV Lia Scritëures dl Südtirol a ji n cunlaurazion cun l'Eurac n cunvëni nternaziunel dal titul "Adide identità! Was heißt hier Identität? Ma va' identità!" L se abinerà autores, artisć y scienziać per purté dant y rujené sun alternatives dl cunzet tlassich y tradiziunel dl'identità. Ghest te studio Rut Bernardi, conduzion Anna Mazzel.
La trasmiscion "DAI CRËPS DL SELA" ie da audì uni di dala 19:05 ala 19:30 sun la frecuënzes de RAI LADINIA
Vender, 09 de novëmber - Agorà: L film documenter (2a pert)
Deberieda cun Lukas Pitscheider, l ideatëur dl „Dolomitale Festival", vëniel rujenà dl film documenter, si evoluzion y mpurtanza tl mond dl film n generel. Lukas, n jëunn che à bele fat truep viages nce te stac manco conformisć sciche la Siria, Iran y Irak conta nce de si sperienzes a fé documenteres. Trasmiscion de Ivan Senoner.
Domenia, 10 de novëmber - A 100 ani dala fin dla Gran Viera
De nuvëmber dl 1918 ie fineda via la Prima Gran Viera Mundiela. A Urtijëi àn ulù lecurdé chësta ntraunida cun na santa mëssa y na pitla festa sun plaza de dlieja ulache l ie unì metù su sun la capela di tumei na tofla nueva cun la scrita "n lecord 1918 - 2018". Trasmiscion de Simon Moroder
Lunesc, 11 de novëmber - Cuinuems ladins de Gherdëina (4. pert)
Cun l espert de cultura ladina pruf. Edgar Moroder rujenons di inuems de familia ladins, mascimamënter de Gherdëina, y de si derivazion etimologica, storica y soziela. Program de Leo Senoner.
Mercui, 14 de novëmber - Poetry slam Ivan Senoner e Christian Ferdigg
Tel chèder del Poetry Slam metù a jir da l'Union di Ladins de Gherdëina audion te chest program Ivan Senoner e Christian Ferdigg. Program de Anna Mazzel.
TELEVIJION
Mertesc, 13 de novëmber dala 20:50 - Sport ladin
Mensil de sport tles valades ladines. De Diego Clara y Hartmann Mairhofer, a cura de Leo Senoner.
Mercui, 14 de novëmber dala 20:50 - 30 ani Lia Nëus Jëuni Gherdëina
Dal 1985 iel la lia Nëus Jëuni Gherdëina. 30 ani de vita dla lia tët che cuordinea l'atività de truepa autra lies che lëura per la junanza dla valeda. Program de Ivan Senoner y Georg Penn, a cura de Leo Senoner.
Juebia, 15 de novëmber dala 20:50 - "Vision for Africa" – proiet de aiut umaniter (prima pert)
Sybille Demetz de S.Cristina à urganisà n viac umaniter tl'Uganda per mparè a cunëscer l'urganisazion miscionera "Vision for Africa", metuda su da Maria Prean de Dispruch tl 2001. I 15 partezipanc de Gherdëina y Persenon à purtà ju guant y material de debujën ai mutons y ala families, ma à dantaldut mparà a cunëscer la realtà dl'Uganda y cieche l proiet "Vision for Africa" à metù n pe ti ultimi 20 ani. Scoles, cëses per mutons, spediei, dliejes y n adum de strutures per judè, dantaldut, i mutons y la families plu melciafiedes. Leo Senoner y l cameraman Jan Piere Karbon à documentà per RAI Ladinia l'esperienza africana dla grupa de Gherdëina. Program de Leo Senoner.

Informazions plu menudes söi programs radio y televijion de RAI Ladinia pón giaté sun www.raibz.rai.it – Sun l medem sit sarà i programs TV da vedei sot a "Mediateca" y les trasmiscions radio sot a "Podcast".

Avisc
Dumënia dla jopes
Chësta dumënia ai 11.11. dala 10.00 ala 14.00, tla pitla sala dla Cësa de Cultura de Sëlva. L vën pità bales blances y da fuià tla jopa da cërn, jopa da golasc, panicia y śaura. N possa nce unì a se tò la marënda da purté a cësa. Pra n got de bon pòssen bele dan marënda s'la carté. L ne mancerà nce nia mujiga de bona ueia. Metù a jì dal Club Seniores.
Abineda de guant dla Caritas
L vën prià bel de dé ju guant mo bon y nët, i ciauzei dëssa unì ciulei adum y besc da liet te n bon vester possa ënghe unì data ju, n sada ai 10.11. dala 8.00 nchin la 13.00, a Urtijëi sun la plaza dai auti Fever (Despar) y a S. Cristina sun la plaza dai auti dlongia l rondel Iman, ulache l sarà n gran container.
Dlavea contra l tisl
La dlavea contra l tisl pòssen nce se lascé fé dal dutor Aba Fallaha te Sëlva, da lunesc nchin vënderdi dala 9.00 nchin la 12.00, tel. 0471 794111.
A Cianacei "A spas per la Ladinia"
L'Union di Ladins e l Cai Sat Auta Fascia endreza "A spas per la Ladinia". Doman, sabeda ai 10 de november da les 13.30 se se troa te piaz de Sèn Florian per na spazierèda entorn paìsc e da les 16.30 al Bar Esso de Cianacei vegn prejentà l terzo liber de la colana de Fernando Brunel.
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16.00 ales 17.00 tla ciasa de Comun a Badia.
L'Ofize de "Ëres dëida Ëres"
L'ofize a Bornech é da ciafé tla str. Paul von Sternbach nr. 6, info.bruneck@frauenhelfenfrauen.it. Al é davert dal lönesc al vëndres dales 8.30 ales 11.30. Fora de chësc orar, vëgnel tut sö termins sön prenotaziun. Tel. 0474/410303.
Iniziativa di ëi de Puster - MIP
L'ofize dla MIP - Männerinitiative Pustertal dëida i ëi y peri pro caje de devorz, pîta aiüt por ciafé na soluziun te situaziuns de dificolté. L'ofize é da ciafé tl Paternsteig nr. 1 a Bornech y é davert lönesc 14-19h, mercui 14-19h y vëndres 8-12h, telefon: 0474/555848, info@mip-pustertal.it
Reuniun dles patrones de Puster
Les patrones dl comun da San Martin inviëia dötes les patrones indoman sabeda ai 10 de novëmber dales 14:00, tl Michael-Pacher-Haus a Bornech al 17. Dé dles Patrones dl raiun (Bezirksbäuerinnentag). Les patrones é inviades da jí cun la troht o le diendl.

Musiga
Müjiga da La Ila: conzert de Santa Zezilia
La Müjiga da La Ila ves inviëia de cör al conzert de Santa Zilia, ai 17 de novëmber dales 20:30, tl salf dles manifestaziuns a La Ila. Al s'aspeta na sëra plëna de ritms conesciüs y de beles melodies. N pér de cianties gnará portades dant da pert de n valgügn musicontri jogn da La Ila, che ne fej nia ciamó pert dla Müjiga!
Cunzert de S. Zezilia dla Mujiga de Santa Cristina
N dumënia ai 11.11. dala 17.00 te sala de chemun a S. Cristina.
La Mujiga nvieia a unì a scuté su l cunzert per chël che n à mparà ite sot ala bachëta dl dirighënt Christian Hofer n program da na bela variazion, che va dala marces tipiches per mujiga da banda, a ouvertures y nce vel' pez modern. Tres la sëira menerà Elena Mussner.
Cunzert de S. Zezilia dla Mujiga de Sëlva
N dumënia ai 18.11. dala 17.00 tla cësa de cultura de Sëlva.

Cursc
Cosmetica naturela
N lunesc ai 12.11. dala 19.30 tla cësadafuech dla NJG a Urtijëi, cun Karin Planker, nfermiera y pedagoga de ierbes de medejina. Cun materiai naturei fajeràn cremes per i piesc, per i slefs y chëla tan prijeda de calendula, dut zënza chimica. Duc puderà se tò pea a cësa la cremes che i se à fat. Priesc: 15 €. N possa se scrì ite nchin ai 10.11. cherdan su l 0471 799006 o scrijan a info@njg.it. L possa fé pea al plu 10 persones.
Curs de cujiné, saurì, debota y bon
Ai 12., 14, y 16.11. dala 20.00 nchin la 22.00 tla pitla sala tla Cësa de Cultura de Sëlva, cun l cuech Norbert Dejaco. N possa se lascé nuté su pra Claudia cherdan su l numer 339 5732700. Metù a jì dal KVW de Sëlva.
Curs de cujiné per ëi
Cujiné bon y sann ie for plu de moda nce pra i ëi, perchël pieta la NJG n curs per ëi, ulache l vën cujinà roba scëmpla y tradiziunela, ma nce cëives che fej paruda y n ciarcerà de bon vins leprò. L curs sarà ai 13. y 14. y ai 27. y 28.11. tla cësadafuech dla NJG a Urtijëi for dala 19.15 inant. Da paie it iel 65 € y per se scrì ite iel da cherdé su l 0471 799006.
Curs de pastelné cun Ines
Per mutons dla scoles elementeres, for de mierculdi tla sala dla NJG a Urtijëi. N fajerà: ai 14.11. decurazions cun materiai che la natura pieta d'autonn, ai 28.11. calënder d'avënt, ai 19.12. cripl da Nadel. N scumëncia for dala 14.00, ma n possa unì nce mpue plu tert sce n à dant mo vel' lezion o auter. Da paië ite iel 10 € al iede y da se scrì ite iel tl ufize dla NJG, tel. 0471 799006.
Café leterer per nglëisc
Ai 14.11. dala 9.30 nchin la 11.00 tla Bibliotech San Durich a Urtijëi. S'la ciaculé per nglëisc pra n tòch de tëurta y n bon café. Cun Edmund Dellago. N ne à nia drë de se lascé nuté su.
Curs da fá biscoti
La Uniun dles Ëres da San Ciascian mët da jí en mercui ai 14 de novëmber dales 19:00 tl restorant Saré a San Ciascian n curs da fá biscoti da Nadé, cun consëis ince por chi che á celiachia. Le referat vëgn tigní da Anna Pezzedi. Cost: 20,00€ a ce; infos y prenotaziuns pro Erna al 338/6266805.
Curs da cujiné cern y pësc
La Uniun dles Ëres d'Al Plan mët da jí ai 14 y 15 de novëmber dales 19:00 tl Hotel Riposo al Bosco d'Al Plan n curs da cujiné cun Walter Daverda. Infos y prenotaziuns pro Annamaria Complojer al 334/6102551.
"Rovëne la realté y svilup armonich"
Seminar tigní da Marlene Zingerle, tl zënter ARVE a Al Plan, do l'insegnamënt de Grigori Grabovoi. Incö vëndres ai 9 de novëmber dales 20:00 referat d'introduziun, dala sabeda ai 10/11 dales 9:00 cina ala domënia ai 11/11 dales 17:30 él n seminar. Le cost é de 210,00€ (60,00€ al de por chi che l'á bele fat). Infos y prenotaziuns pro Marlene al 348/3140415 o marlene.zingerle@gmail.com, www.zentrumarve.com
"Survival English"
Pice curs de inglesc por imparé les pices cosses por "suravire". En vëndres ai 16 de novëmber dales 20:00, t'Istitut Ladin a San Martin. Referënta é Anna Zingerle. Cost: 10,00€ a ce. Infos y iscriziuns pro Carla Piccolruaz - Consëi de Formaziun da San Martin, tel. 348/7021582.
Decoraziuns da Nadé
Le Consëi de Formaziun da La Val mët da jí n curs pratich de trëi ores, a Cestun da La Val. Le pröm grup s'incunta le mertesc ai 20 de novëmber dales 14:00, le secundo grup la jöbia ai 22 de novëmber dala medema ora. Infos y prenotaziuns pro Valentina al 338/8999437.

Sozial
Portel de referiment sozièl
Ogne mercol da les 16:00 a les 18:00 te Comun general, te strèda di Pré de Lejia a Sèn Jan vegn metù a jir n portel de referiment sozièl, per problemes de dependenzes o de autra sort, avert a duc e no a paament. Ge vel se prenotèr. Per informazions chiamèr l 370.3004296 o scriver a: sportello.lerais@gmail.com.
Scontrèdes del DSA Trentin
L DSA (Desturbes Spezifics de l'Aprendiment) de Fiem e Fascia endreza n'outa al meis scontrèdes de aprofondiment sun empedimenc spezifics de l'aprendiment. En mercol ai 12 de dezember da les 20.30, a la Rosa Bianca de Ciavaleis, Paolo Colombo spiegarà i strumenc compensatives informatics desche didament al studie.
Deberieda: vijita al museum dla criples "Heide"
N vënderdi ai 16.11. dala 14.00 se ancónten dan la Cësa de Paussa a Urtijëi per jì ora Puntives a ti cialé al museum dla criples. "Deberieda" ie na grupa per se ancunté danter persones che à problems psichics o de sozialisazion cun ulenteres. Per nfurmazions tel. 0471 798015. (Respunsabl dla manifestazion: Adi Demetz).
Nadel tla scatula dai ciauzei
Tres la azion per ti purté mpue de legrëza a mutons te paejes pueresc, puderà chëst ann mutons dla Polonia, Ucraina y Lituania se ncunferté sun na pitla scincunda. Te Gherdëina pòssen dé ju la scatules tla trëi biblioteches, San Durich a Urtijëi, Tresl Gruber a S. Cristina y O.v. Wolkenstein te Sëlva, nchin ai 15 de nuvëmber.
Nadel tla scatula dai ciauzei nce tla Val Badia
Tla Val Badia vën la scatules piedes do da Alma Flatscher, Garni Ambria, strada Plaön 5 a La Ila, mo nchin ai 13.11..

Referac
Malaties dla pel a unì plu vedli
Ncuei vënderdi ai 9.11. dala 20.00 te calonia a Urtijëi, rujenerà l dutor Simon Kostner dla pel y de cie che n possa fé per schivé, per curé y per se ntënder sce n à vel' malatia dla pel, che, cun l unì plu vedli, possa unì dant. Metù a jì dal KVW de Urtijëi.
Se refé dala rëscia y dal stress da uni di
Ncuei vënderdi ai 9.11. dala 20.00 te calonia de Sëlva, uniràl mustrà eserzizies che juda a se calmé. Referënta ie la massajadëura terapeutica Melanie Dapoz. N possa fé pea debant, ma l ie da se lascé scrì su danora da Rosmarie, tla butëiga Senoner Sartëur te Sëlva.
La cianapia descuvrida da nuef
N merdi ai 13.11. dala 20.00 tla sala suaut tla Cassa Raiffeisen a Urtijëi. La cianapia ie na vedla planta scialdi prijeda, la ie n "superfood" che fej bon ala sanità. Dl sistem de autoregulazion dl corp ECS y dla fazion dla cianapia per nosta sanità saràl da audì te chësc referat cun la dr. Ursula Mair. Metù a jì dala Lia Sanynton.
La familia y les ciafes dl mal
Incö vëndres ai 9 de novëmber rovarál adalerch a Oies le prof. Diego Manetti, moderadú de Radio Maria, por na incuntada particolara. An mët man dales 19:00 cun na santa mëssa y dedô sarál spo le prof. Manetti che tëgn n referat por talian dal titul "Dono - Amore: la famiglia e la grande seduzione del male".
Regoles y consëis por na buna armonia de copia y de familia
De chësc nen vára te n referat sön la familia cun siur Tone Fiung, che vëgn tigní en jöbia ai 15 de novëmber dales 20:00 te scora mesana da La Ila. Organisaziun: KVW y Consëi de Cöra da La Ila.

Teater
A cena col sassin al Museo de Fascia
Insnet, vender ai 9 de november da les 19.30 al Museo Ladin de Fascia l grop "I Bontemponi" met a jir "A cena col sassin". L cost l'é de 35 euro, enscinuazions fin che l'é post al 340.2302617.
Chef a teater
Insnet, vender ai 9 de november te Navalge a Moena da les 20.00 secondo apuntament de "Chef a teater" con Moena Perla Alpina, n show cooking ensema a joegn con desabilità de "The Staff". Sun paladin l chef Nicola Vian. Info e prenotazions a info@associazioneatti.it
Rassegna de teater del Comun general de Fascia
Insnet, vender ai 9 de november h. 20.30 te Oratorie de Poza e en domenia ai 11 de november h. 15.30 a La Gran Ciasa de Soraga se pel veder l spetacol de "INOUT TEAnTER" che porta dant "L circo di talenc". En veder ai 16 h. 20.30 te chino de Cianacei e en domenia ai 18 h. 15.30 te teater de Moena l'é la comedia de "I Amisc del teater" dal titol "Da na bujìa a l'autra".
La Pli: teater "4 ëres sot önn en tët"
Le Teater La Pli inviëia al teater da rí "4 ëres sot önn en tët", tut dal original "Hier sind sie richtig" de Marc Camoletti y porté tl ladin mareo da Hansi Comploi, che á ince la rejia. Ultimes rapresentaziuns incö vëndres 9/11 y indoman sabeda 10/11 dales 20:00, te Ciasa dles Uniuns a La Pli. Prenotaziuns al 331/7642806; les chertes vëgn ince venüdes n'ora dan le teater.
La Ila: teater "Madër nia jí ala nia"
Sot la regia de Erika Castlunger. Na dita de costruziun é tl laur da jí ala nia y düc se proa da ciafé na soluziun por trá ite scioldi y al nasc n gröm de malcomprenjiuns y confujiun. Ultimes rapresentaziuns indoman sabeda 10 de novëmber dales 20:30, y en domënia 11 de novëmber dales 15:00, tla Ciasa dla Cultura a La Ila. Prenotaziuns al 333/2525740.

Chino
LiteraKino, proiezion de films per granc
Tla Bibliotech San Durich a Urtijëi vëniel mustrà ncuei vënderdi ai 9.11. dala 20.30 n film tla rujeneda taliana. N vënderdi ai 16.11. saràl da udëi n film per tudësch. L program plu avisa di films che unirà mustrei proscimamënter ie da udëi tla bibliotech, ulache l ie nce julantins da pudëi se tò pea.
Chino de Tieser
Insnet, vender ai ai 9 de november h. 21.00 spetacol de teater "Il colpo della strega". Sabeda ai 10 e domenia ai 11 h. 17.00, per i 25 egn del chino de Tieser, se pel jir ite al priesc de 2 euro a veder "Smallfoot". Semper en sabeda h. 21.15 e en domenia h. 20.30 l'é "First Man". En mercol ai 14 h 21.15 "Un affare di famiglia", jebia ai 15 e vender ai 16 h. 21.15 "Animali fantastici, i crimini di Grindelwald" che l vegn moscià ence en domenia ai 18 h. 17.00 e 20.30. En sabeda ai 17 h. 21.00 l'é "No filters", spetacol de benifizenza per Emergency con Daniel Degiampietro.
Chino de Pardac
Doman, sabeda ai 10, domenia ai 11 e lunesc ai 12 de november h. 21.15 vegn moscià "First Man – Il primo uomo."

Mostres y Ert
Persones te si ntëurvia
N vënderdi ai 16.11. dala 20.00 tla sala dla Lia Mostra d'ert a Urtijëi sun Plaza S. Antone saràl la giaurida dla mostra dl cuncors de fotografia metù a jì dal Fotoclub Gherdëina dal titul "persones te si ntëurvia". La mostra sarà da udëi n sada y dumënia ai 17. y 18.11. dala 10.00 ala 12.00 y dala 16.00 ala 18.00.
"act" de Helmar Demetz
La mostra de opres d'ert de Helmar Demetz de S. Cristina ie da udëi tl Café Surëdl a Urtijëi tla streda Roma, da lunesc nchin sada dala 10.00 ala 19.00. nchin da Nadel.
Fotoclub Val Badia: mostra y premiaziun
Le Fotoclub Val Badia inviëia indoman sabeda ai 10 de novëmber dales 18:00, tl Istitut Ladin a San Martin de Tor, ala daurida dla mostra y premiaziun dl concurs dal tema "Architetöra tla Ladinia y fora por le monn". La mostra sará daverta cina en vëndres ai 23 de novëmber, tratan i orars dl Istitut: dal lönesc ala jöbia 10:00 - 12:00 y 15:00 - 17:00, le vëndres dales 10:00 ales 12:00.

Dotors y Apoteches
Dotors
L dutor de servisc te Gherdëina da n sada ai 10.11. dala 8.00 daduman nchin la 8.00 daduman de n lunesc ai 12.11. ie l dutor Valentin Tröbinger de Sëlva, tel. 0471/773073 o l 335 6844944.
Doturs Val Badia: Le dotur che fajará sorvisc tl fin dl'edema dla sabeda y domënia ai 10 y 11 de novëmber, ti cinch comuns dla Val Badia, é le dotur Luca Galiazzo, tel. 342/5181295.
Apoteches
L'apoteca che ie de servisc per Gherdëina, ora dl orar ordiner de giaurida, da n vënderdi ai 9.11. nchin n vënderdi ai 16.11. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
L'apoteca en sorvisc tla Val Badia, fora dl orar ordinar, dal vëndres ai 9 de novëmber dales 19:00 al vëndres ai 16 de novëmber ales 19:00, é chëra d'Al Plan, tel. 0474/501240.

Temp lede
Uniun Maestri Ladins: batadú a pesć
En vëndres ai 16 de novëmber dales 14:30, tla ostaria Dasser a San Martin de Tor. L'iscriziun costa 15,00€, lapró él val' da cëna y por i mius da carté de bi pesć. Al é da s'anunzié pro Ulrich Willeit al 0471/847757 o 347/4254907, o le de dl batadú dales 13:00 ales 14:00 tla ostaria Dasser al 0474/523120.
Cunësces'a bele...?
... l "Grüffelo" da temëi? N merdi ai 13.11. dala 16.30 nchin la 17.30 tla Bibliotech O.v. Wolkenstein te Sëlva, prejentazion dl liber per mutons, cun Brunhild Putzer, che lijerà dant ora dl liber.

Sport
Scioh, campiunat provinziel a scuadres
Duman sada ai 10.11. dala 16.00 tla pitla sala dla cësa de cultura de Urtijëi. Duta trëi scuadres de Gherdëina fajerà la prima partida n cësa: la prima scuadra contra l Arci Scacchi BZ, la segonda contra l Arci Scacchi BZ 2 y la terza contra l Deutschnofen 2. Duc i pasciunei y nteressei al scioh ie nviei a unì a cialé pro.
Partida de hockey dl HC Gherdëina
N sada ai 17.11. dala 20.30 saràl la partida dl campiunat AHL, ulache l HC Gherdëina jugherà n cësa contra l Cortina.

Galaria retrac