Martina Iori, semper na marevea!

Data

17 de agost 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La joena musizista e ciantarina da Dèlba à endeletà e encantà l publich con sia bela ousc e sie fèr gustégol e ironich tel conzert per JMMJ sun Sèn Pelegrin.

- Te n beliscim conzert del projet JMMJ (Joegn de Mendranza e Musega Jazz) endrezà sun Sèn Pelegrin tel chèder del Panorama Music Festival de Fascia, Martina Iori à encantà l publich con n program de toc per ladin e talian da sie CD “Amor e Buscofen", porté dant con sia ousc maraveousa.

Chest’outa la joena musizista e ciantarina da Dèlba era compagnèda da na neva formazion, che apede, desche semper, a Enrico Tommasini a la baterìa e Marco Stagni al contrabas, vedea ence Matteo Cuzzolin al sax e Matteo Rossetto a la chitara.

Con sia prejentazion lijiera, gustégola e ironica, Martina ge à fat aprijièr l son de nosc lengaz ladin ence ai foresć, e no l'é mencià vèlch cover con interpretazion originala e personala: anter chestes la reinterpretazion ironica de la ciantia brasiliana "Doralice", con traduzion ladina metuda ensema a l'ùltim menut. Podede la scutèr tel video su la piata facebook de La Usc.

Endèna ge fajon i complimenc a Martina e speron de poder la scutèr amò n'outa a Suns, su la paladina del “Teatron" de Udin, che jà ge aea portà fortuna con “Via con mia musega”, e che chest an l’é en program ai prumes de dezember!

 (Lucia Gross)

Galaria retrac