Nagler/Malleier ti á dé stöp tl canal olimpich

Data

14 de fauré 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I dui campiuns dl monn iunior Ivan Nagler y Fabian Malleier á debuté bun ai jüc olimpics. Incö esi gnüs setims tla "gara individuala"
Buna prestaziun tl debut dl jonn badiot Ivan Nagler ales Olimpiades, deboriada cun so compagn Fabian Malleier ál desfiré döes de bunes proes, meton sö tla pröma manche l’otaf miú tëmp y tla secunda proa dezisiva spo le tëmp total dl setim post. Le duo tan jonn ará tl dagní ciamó ocajiuns assá da se mostré cun l’élite mondiala.
Or ti é jü en mercui tl pröm domisdé (ora europeica) al duo todësch Tobias Wendl/Tobias Arlt, arjënt ai dui austriacs Peter Penz/Georg Fischler, brom ai campiuns dl monn Toni Eggert/Sascha Benecken.
Le destach di dui südtirolesc Nagler/Malleier söi pröms é sté ala fin de 866 milejims. Ai é stá i mius dla scuadra azzurra, l’ater duo Ludwig Rieder/Patrick Rastner á fat te trames les proes fai che ne pordona nia; ëi dui é gnüs ala fin 15ejims, tardis de 1,579 secunc söi pröms.