“Vencer n mondial col projet che sente mie: che emozion!”

Data

26 de auril 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Marco Liberatore ne conta de sia cariera te l’hockey, de sie ultim suzess con la nazionèla talièna de eles e del projet de l’Hockey Academy.

Marco Liberatore l'é nasciù a Cianacei ai 25 de otober del 1967. L’é stat n jiador de hockey e ades l’é un di più gregn arcedadores te la Tèlia. Capoalenador te duta la categorìes di joegn con la nazionèla talièna, l’à fat ence na esperienza con la senior de ic ti mondièi, de contra a la nazionèla del Canada tel grop A.
Te duta sia cariera l’à fat 13 mondièi e ades l’é ence l responsabol di arcedadores te la Tèlia, fajan pèrt del CNA (l’orghen che enjigna i arcedadores te la Tèlia). Ti egn l’à fat ence de bela esperienzes fora dai confins nazionèi, ruan mingol daperdut per ge jir dò a corsc de hockey. Acà 3 egn l’é jit a Las Vegas a fèr l 5° livel da arcedador per l’NHL (National Hockey League, ndr). Da 4 egn en cà l’é l responsabol del projet Hockey Academy de Busan, ma soraldut da 10 egn l’arcedea la nazionèla talièna senior de eles, con chela che da pech l'à arjont n resultat da marevea.
Se l fajon contèr da el enstes: 
“Con la nazionala feminina aon tacà n gran percors acà valch an canche aon fat le qualifiche olimpiche e aon perdù con la Franzia per n goal. Ades sion jic a far l mondial a Asiago e per la pruma outa te la istoria l’aon vent. Chest vel dir ence passar te la pruma categorìa, olache l’é l’hockey che conta. Per jir inant te chest gran percors, noi ponton a le olimpiadi de Pechino 2022. Per se calificar cognaron passar i girons tel 2020. Aon l met de ruar ite, ence de gra al ranking che l’é stat uzà, slarian i posć per Pechino da 8 a 10, che l’é chi che podon se jiar noi. Chest ne fajessa dapodò jiar con le squadre più forte, desche USA e Canada, ma ence Svezia, Finlandia, Danimarca, Franzia e autre gran nazions.“

Chest e n muie de auter ne à contà Marco Liberatore te na longia intervista de Daniele Verra che podede lejer su La Usc di Ladins stampèda che vegn fora en vender ai 27 de oril.