Bilanz de sajon per la doi sozietèdes de ritmica de val

Data

13 de mei 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Rirmica Fassa e Moena Sport anter resultac e empegnes per l davegnir.
En domenia ai 29 de oril a Gardol la sociazion sportiva Street Dance School & Ritmica Fassa, en colaborazion con UISP Trentino, l’à endrezà la 2^ garejèda regionèla de 1^, 2^, 3^ e 4^ categorìa agonistica e Promozionèla Squadres, l’ùltima per chesta sajon.

La sociazion à tout pèrt con ben 55 ginastes anter i 6 ai 16 egn, 15 te la categorìes agonistiches de 1^, 2^ e 3^ e 40 te la promozionèla a squadres, vadagnan desvalives podies e piazamenc de valuta.

En domenia ai 20 de mé da mesa les 8 da sera tel teater de Tieser vegn metù a jir l spetàcol finèl che sera sù i corsc e a chel che tol pèrt ence duc i gropes de agonism. Per chesta atletes i empegnes no é amò fenii: dai 24 de mé ai 3 de jugn sarà i nazionèi Uisp a Zola Predosa (Bo), a chi che tolarà pèrt na dejina de bezes.

Dai 25 de oril al prum de mé la bezes de Moenasport à tout pèrt a la fases nazionèles del zircuit promozionèl Asi/Confsport, stat a Atri (Te). Swami Fiorot, Camilla Gottardi, Martina Parrini, Sara Pilia e Angelica Iellici à portà inant sie ejercizie a na vida ezelenta e les é ruèdes sul podie se vadagnan chi l’or, chi l’arjent e chi l bron. Swami e Angelica se à ence calificà per l tornoi internazionèl che sarà a Santa Marinella (Roma) ai 16 e 17 de jugn.

 I empegnes per chesta sociazion va inant ai 20 de mé a Moena tel teater Navalge, oalche vegn metù a jir l spetàcol finèl; a la fin de jugn a Rimini l’é la fases nazionèles de la Federazion Ginastica Tèlia, a cheles che tol pèrt n grop selezionà de atletes; chest istà vegnarà endrezà n stage de ritmica con alenadores de nonzech del setor e te curt temp vegnarà avert l sit web olà poder troèr ogne informazion sui corsc con ence l met de se scriver ite online.

Se pel lejer de più su La Usc numer 18.