Dis de suzes por le ASV TC Ladinia

Data

16 de jugn 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dan otedé, tla findledema, á i atlec badioc tut pert a deplü turniers, portan a ciasa ince tröpes devëntes
A Urtijëi él sté le pröm turnier VSS, olache Feichter Lena, Zöschg Jasmine y Zöschg Steven á tut pert tles categories desvalies. Lena y Steven á soghé tla categoria Under 18 y Jasmine tla categoria Under 13. Düc trëi i atlec badioc á davagné te süa categoria.

La pröma fasa dla categoria D4 dla Copa Italia masculina y feminina s’á stlüt jö cun chësta findledema. Tla categoria D4 masculina á soghé: Dallapiazza Fabio, Dallapiazza Simone, Dallapiazza Kilian, Dallapiazza Renzo, Irsara Dylan y Sartori Manuel. La scuadra feminina é stada formada da Dalle Grave Giorgia, Vinatzer Nadine y Profunser Tanya. Trames les scuadres â metü man ai pröms de ma, sogan vigni findledema cuntra deplü scuadres de Südtirol. Ares á davagné dötes les partides, se plazan al pröm post y se cualifican insciö ala fasa finala, che gnará desfirada ala fin de agost.

Kevin Vinatzer á tut pert al turnier Next Gen a Rorëi/Rovereto, olache al á soghé deplö partides cuntra sogadus dla Talia. En sabeda ál soghé la finala y á porté a ciasa le pröm pest.

En domënia á Giorgia y Nadine soghé la finala provinziala Under 14 söi ciamps da Corvara cuntra la scuadra dl Rungg. La scuadra aversara á albü la miú y á davagné le titul provinzial cuntra nostes sogadësses ladines por 2 a 1.

Kilian y Jan che soga tla categoria U 12 á combatü cina la fin y á messü ti la zede tla semifinala cuntra la scuadra dl Balsan.

N gran lalt ti vá a düc i sogadus por le bun plazamënt y n gran complimënt por i bogn plazamënc. Ma inant insciö! (TC Ladinia)