DoloMyths Run: na edizion straordenèra

Data

29 de messel 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L president del Comitat de endrez Diego Salvador ge sporc l develpai a duc i colaboratores.
La rejona norvegeis, amàncol per chel che vèrda la classifica di atlec de ic, la DoloMyths Run Skyrace stata en domenia ai 22 de messèl. L venjidor l’é stat Stian Angermund Vik da Bergen che dò na gara ezelenta l’à passà via al travert de Cianacei l compagn, semper de la Norvegia, Stian Overgaard Aarvik, più joen de undesc egn. Se trata de la pruma venta de n norvegeis ma ence de la pruma outa sul podie de Nadir Maguet de la Val d’Aosta, che à coret ensema a l’amich Davide Magnini per gran pèrt del percors, ma dapò a la fin l l’à passà via. Magnini à ciapà n granf sul percors a vegnir en ju e coscita no l’é stat bon de fèr l medemo ezelent resultat de en vender con la Vertical.

Anter la femenes l’é ruà l terzo suzess a dò a dò de la catalana Laura Orgué del Team Salomon che é jita via asvelta sul percors da soula dal scomenz a la fin e la é ruèda tedant a l’americhèna Hillary Gerardi, descheche l’era sozedù ence del 2017, e a la doi jomelines svedeises Sanna e Lina El Kott Helander.

Se à tratà de na edizion con presciapech mile concorenc, en raprejentanza de 31 nazions, che à serà sù na setemèna de gran running, tachèda ite en sabeda passèda con l Sellaronda Ultratrail, jita inant con l Vertical Kilometer de en vender e la Mini de en sabeda, dut sot l ciapel de DoloMyths Run, endrezà en sinergìa con Salomon, l marchie che garantirà l’an che vegn l’azess tel calandèr Golden Trail Series, la gares mondièles de skyrunning.

De più en cont de la garejèda e di resultac su La Usc stampèda en vender ai 27 de messèl. 

 (Monica Cigolla)