La 3Esse à vent l trofeo Minibike

Data

21 de setember 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Con la garejada de Soraga se à serà sù l zircuit. L’é stat premià i campions de categorìa. De bie resultac ence per i atlec de Rodes Val Badia

En sabeda ai 8 de setember a Soraga l’é stat la finala del zircuit de roda da mont, che tol ite Fascia, Fiem e Primier e ence valch sozietà del Südtirol.

La competizion la é tacada ite entorn le trei domarena e per zirca doi ore n muion de atlec à garejà sul bel percors endrezà dai arcedadores e colaboradores de la sozietà. Belapontin l’é vegnù fora n percors ben studià con doi sauc, sćiale, slalom e paraboliche. Ajache se corea te ciasa i atlec de la 3Esse no i é mai stac scì tenc: ben 45!!! E l’é stat fat ence n muion de bie resultac. Anter chisc recordon l secondo post de Emma Weiss ti topolini de ele, l terzo post de Alessandro Triolo ti topolini de ic, l prum post de Giorgia Ciocca ti pulcini de ele, l terzo post de Giorgia Ghetta ti baby de ele, l secondo post de Arianna Rosso ti esordienti de ele e l prum post de Mattias Rosso e l secondo de Luca Vuerich ti allievi de ic.

La sozietà é ruada al prum post con 162 ponc! Dapò recordon ence l prum post de Daniel Rungger ti esordienti de ic e l terzo post de Giordan Nagler ti allievi. Duc doi i cor per la sozietà Rodes Val Badia.

Con chesta garejada se à strutà su ence l zircuit de roda da mont 2018. Donca n gran devalpai a duc i atlec de la 3Esse ma ence ai arcedadores Pamela Matordes, Nicolò Matordes, Adriano Primus e Luigi Rasom par l gran lurier che i à fat chest istà e la pascion che i à metù endana dut l cors.

De più su la Usc nr 36 stampèda ai 14 de setember

 (Gloria Gabrielli)