Podies per Matteo, Miriam e Elisa

Data

11 de november 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I Pavei d’Arjent à tout pèrt con gran bon ejit a la Copa de l’Amicizia a Maran, se vadagnan medaes e piazamenc 

Tel prum fin de setemèna de november, dal prum ai 4, a Maran te la MeranArena l’é stat metù a jir l’edizion 2018 de la Copa de l’Amicizia, per endrez del Sportclub Meran.

Nesc Pavei del Val de Fascia Artistico Ghiaccio, enceben la mencianza de giacia per se alenèr, i é jic ben segur per tor dant chesta neva endesfida.

Anter i passa 300 scric ite a la competizion, compagnèdes da la alenadora Adele Battisti, a Maran l’é ruà n bel grum de balarines e balarins: Sophia Sommavilla e Ginevra Seneca à garejà te la categorìa Prenovice; Miriam Planchensteiner, Marta Vian, Andrea Martina Brunner e Matteo Marchioni te la Basic Novice; Ester Maria Vian te la Intermediate Novice; Martina Marchioni te la Advanced Novice, Micol Testor e Elisa Planchensteiner te la Junior.

La pruma giornèda se à serà sù con doi bogn piazamenc: Sophia tel secondo grop de la categorìa Prenovice la se à classificà a l’8° post e Ginevra tel terzo grop la é ruèda 10^.

Gran bon ejit de Matteo te la seconda giornèda che te la categorìa Basic Novice l se à vadagnà la medaa de òr e donca l prum sciaier del podie e de Miriam, che tel secondo grop de la medema categorìa la se à classificà te la posizion numer 3, donca podie e medaa de bron. Bones ence la prestazions de Marta che la é ruèda 7^ e de Andrea Martina, 19^, tel terzo grop de la categorìa Basic Novice e tel penùltim dì de garejèdes Ester la se à vadagnà l’11° post tel prum grop de la categorìa Intermediate Novice.

Dò Matteo e Miriam ence Elisa la se à vadagnà la medaa de arjent tel terzo grop de la categorìa Junior e te la medema categorìa l’é da registrèr ence l bon resultat de Micol che la é ruèda 6^; te la Advanced Novice Martina la se à logà te la 14^ posizion.

La competizion che vegn, che vedarà amò i Pavei d’Arjent en azion, la é en program ai 18 de november, canche a Dìspruch da anché ai 11 enscin apontin ai 18 vegn metù a jir l’Inge Solar Memorial - Alpen Trophy 2018.

 ((cri.m))