Se ferma i campionac, ma l’hockey va inant

Data

17 de november 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La paussa de l’Alps Hockey League, e di etres campionac, l’à lascià lèrga anter i 7 e i 10 de november a l’Euro Ice Hockey Challenge

Pel esser che ti ultimes dis ve abie sapù de sentir na mencianza, chela de la partides di campionac de hockey. Chest perché chiò te la Tèlia, coscita desche utró, i campionac che veit empegnèdes la squadres de club à vedù na paussa, ocajion aboncont per ge dèr lèrga a la squadres nazionèles.

Coscita, dai 7 ai 10 de november l’é stat l’Euro Ice Hockey Challenge, tornoi de hockey resservà a la nazionèles che se troa te la seconda fascia e che vigni an vegn proponet te desvalives moments de l’an (la Tèlia la sarà endodanef su la giacia de firé). Te chesta ocajion, la Tèlia é stata metuda te n giron dessema a Corea del Sud, Kazakistan e i patrons de cèsa de l’Ungheria, ajache l tornoi à troà alberch a Budapest.

Per mirèr miec chel che à fat la nazionèla talièna, vardon en curt la trei partides jièdes. Tacon con veder colugn che era i jiadores “ladins” che se à trat ite la maia bruna chièra de noscia nazion: del HC Gherdeina e del Fascia Falcons nesciun jiador é stat chiamà per la endesfides de Budapest, enveze del S.G Cortina Hafro é jic l portier Marco de Filippo Roia, l defensor Michael Angelo Zanatta e i atacanc Riccardo Lacedelli e Devin Di Diomete, chest ultim con n passà ence ti Fascia Falcons. La squadra con na raprejentazion maora, apede apontin al Cortina, l’é stat l’HC Pustertal Wölfe con 4 jiadores. I 19 hockeysć, capitané dal defensor Alex Trivellato e vidé da l’arcedador Clayton Beddoes, jia duc chenc tel campionat de Alps Hockey League, alinfora de Jan Pavlu e apontin del capitan Trivellato che partezipa a la DEL, campionat de hockey Todesch. Apede, Tommaso Goi che jia te la Svizra (LNA).

La presenza ladina no é deldut mencèda nience a livel de jiadores. Ti 19 chiamé se lec i inomes del gherdener Simon Kostner e del fascian Michele Marchetti.

De più su la Usc nr 45 stampèda ai 16 de november, olache troède ence i resultac del setor mender del Fascia Falcons

 (Daniele Verra)