Sport

media/k2/galleries/8176/thumbs/Bildschirmfoto_2018-09-12_um_08.51.19.jpg
16 de setember 2018

Bront per Alexander Demetz pra i campiunac talians

Granda fova l’emuzion per Alexander Demetz canche l à pudù pië do, n sada sëira a Pescara, la bedaia de bront pra la garejedes che valova per i campiunac talians assoluc de atletica lesiera tla disciplina dl decathlon L’Atletica Gherdëina Raiffeisen se à prejentà ai campiunac naziunei cun doi atlec y tramedoi cun l potenzial de pudëi arjonjer almanco i prim cin posć te tlassifica. L se trata de Alexander Demetz de Urtijëi y Alex Verginer da San Martin de Tor, che à dal scumenciamënt inant ...
media/k2/galleries/8199/thumbs/artur_downhill.jpg
13 de setember 2018

Artur, re dl downhill

Le jonn da La Ila davagna la categoria dla "national downhill series 2018"
Dan otedé, ai 9 de setëmber 2018, á Artur Frenademez da La Ila arjunt le pröm post de categoria y dl assolut ala gara finala de Pinzolo de downhill.

Cun i bugn resultac de dötes les gares desfirades tla sajun passada él sté bun da davagné le pröm post de categoria dla national downhill series 2018.

Tlassifica de categoria tla gara a Pinzolo: 1) Artur Frenademez (ASC TIROLER RADLER BOZEN), 2) Daniel Marchetti (TEAM BS D.H. & CO. A.S.D.), 3) Luca Comai (A.S.D GARDA PRO BIKE).

media/k2/galleries/8167/thumbs/Pius_Ploner.jpg
11 de setember 2018

Segra d’Al Plan – Segra dai goi!

La partida dal ASC Mareo a Vandoies é jüda fora söle resultat final de 5 a 5.
Avisa dan da en ann â mossü le ASC Mareo soghé pla Segra d’Al Plan fora de ciasa cuntra la scuadra da Vandoies. Y ince eniann éra stada ensciö, con na partida plëna de emoziuns.

Y desco l’ann passé á ince eniann endô la scuadra ladina motü man la partida mal. Al ne döra nia dio che i aversars é bogn da segné le gol dal 1:0 y püch dedô le 2:0, desche sce la scuadra ladina ne foss gnanca ciamó te ciamp de jüch. Mo do le secundo gol édl i marei co mostra finalmonter na reaziun y s’endespra. Plü ...
media/k2/galleries/8117/thumbs/salejei_fodomiadi.jpg
05 de setember 2018

Fodomiadi: Salejei fesc el tris

La ploia no l'à fermé el torneo de le Vijinánze rué ala 5^ edizion.
La scuadra da Salejei domineia encora en viade a le Fodomiadi, el torneo de balon a set ntra le Vijinánze da Fodom rué sto
ann ala 5° edizion. Siech ence sto ann le scuadre che a tout pert, nte chelche cajo en raprejentanza de deplù Vijinánze che s’a metù auna: Salejei, Renac/Chierz, La Court/Liviné/Brenta, La Plié, Reba, Andrac/Pala/Daghè. Na edizion chësta bagnada da la ploia ma che no n'à fermé la voia de se passé na giornada auna de sport e divertiment. (Lorenzo Soratroi)

(Dut l articol su le ...
media/k2/galleries/8092/thumbs/pale_campionac.jpg
01 de setember 2018

Palé: la 2a categoria mët man

Chësc fin dl’edema mët man i campionac amatoriai de secunda categoria.
Cun l’isté che vá plan plan a piz, mët ince indô man i campionac de palé dles scuadres amatoriales. Chësc fin dl’edema pëia ia les scuadres de secunda categoria.
Indoman sabeda al 1. de setëmber dales 16:00 sarál a Urtijëi la partida danter le Gherdëina y Aldein/Petersberg. Le medemo de mo dales 16:30 soga spo La Val te ciasa cuntra Le Sest.
La domënia ai 2 de setëmber dales 16:00 i tochera al Mareo da soghé te ciasa la partida cuntra Steinhaus, deperpo che la Val Badia jará ia Lijun por soghé ...
media/k2/galleries/8008/thumbs/fa592d05-1eb1-44cf-bc44-20b015573831.jpg
26 de agost 2018

Elia Eccher venc l Tornoi de tennis a Moena

Diesc dis de emozions de gra al Tennis Club Moena, che ence chest an no smentesc la spetadives.
- En domenia ai 19 de aost, aló dai ciampes de tennis del Navalge se à jià la partida finèla del tornoi “Cassa Rurale Dolomiti di Fassa Primiero e Belluno”, matches che apontin é stac jié dai 10 ai 19 de aost. Vegnù fora venjidor l’é stat Elia Eccher, de naa de Moena ma che l fèsc pèrt del zircol del Pardac, che l’à abù la soramessa sul gardesan Leonardo Lattisi, che te la partida de semifinèla aea batù Silvano Ploner. Ence l moenat del schi talian Cristian Deville à tout pèrt al tornoi, ma l’à ...
media/k2/galleries/8006/thumbs/Schermata_2018-08-23_alle_09.21.45.jpg
25 de agost 2018

Passa 400 atlec al Giro de le Notole

La sozietà sportiva Monti Pallidi à endrezà la 43^ edizion de la garejèda de corsa fora per paìsc.
- En mèrtesc ai 14 de aost da les nef da sera, stroz per la strèdes de Moena, se podea veder 431 coridores che se moea spedienc desche la nétoles (o le notole descheche i ge disc a Moena), con la gaissa de ruèr l più prest possìbol al travert.

L’era l “Giro de le Notole”, na corsa de net che vegn endrezèda oramai da 43 egn da l’Union Sportiva Monti Pallidi. L percors l’é de 6 chilometres, se ponta demez e se rua de retorn te piaz de Sotegrava.

Chesta garejèda é semper averta a duc, tant ai ...
media/k2/galleries/8005/thumbs/Schermata_2018-08-23_alle_09.16.54.jpg
23 de agost 2018

Corer “Anter le Lum”

N bel suzess per la 2^ proa del Campionat de val de corsa endrezà da l’Atletica Fascia 08.
En mercol ai 8 de aost a Poza l’é stat endrezà “Anter le lum”, la garejèda de net de 6,7 chilometres no competitiva, metuda a jir da l’Atletica Fascia 08 tel chèder del campionat de val de corsa. A la partenza se à binà 180 concorenc, i più picoi é peé via da les set da sera e doi ores dò l’é portà demez ence chi più gregn.

L scomenz de la garejèda l’era tedant l tendon de la manifestazions de Poza e l percors, enlumenà daperdut da focoles, se slarièa fora per paìsc e soraldut ti Ciancoai, ti ...
media/k2/galleries/7996/thumbs/Bildschirmfoto_2018-08-22_um_18.24.48.jpg
23 de agost 2018

Cater atlec dl Tennis Club Gherdëina pra l turnoi nternaziunel

ITF Val Gardena Südtirol Raiffeisen, n tel turnoi nternaziunel da 15.000 dolar de montdepesc’ iel unì metù a jì per l prim iede a S. Cristina sun i ciamps de tiera cuecena tl zënter dal sport Iman. Na ucajion nce per tenisc’ da tlo de se museré a livel nternaziunel. Venciù à l tudësch Peter Heller contra l jëunn de 17 ani de Le Sest/Sexten Jannik Sinner, che ova l atlet plu bënulù al publich.i tenisc’ de Gherdëina à pudù se fé na bela esperienza cun altec de livel aut.Sun la fotografia i doi ...
media/k2/galleries/7946/thumbs/Schermata_2018-08-14_alle_11.27.49.jpg
20 de agost 2018

Torn del Vaiolet: su e ju per le vie de Vich

Na marcia no competitiva per star ensema, se meter a la proa e passar na sera en legreza.
- Vich, chel pìcol paìsc sun chel col belot e al soladif, tant descomet da viver per soe erte, en martesc ai 7 de aost à tramudà fora soe vie te n percors de corsa, desfrutan chesta particolara conformazion per meter en esser na garejada con n “su e ju” che cava l fià, coscita che somea beleche de dessegnar coi pie, endana che se cor, chele trei torn che ge dasc l’inom a la garejada.  

N percors no massa lonch, de zirca 3,6 km, che dasc coscita l met a duc chi che vel de tor part.

...
media/k2/galleries/7942/thumbs/PHOTO-2018-08-13-16-40-02.jpg
17 de agost 2018

L’hockey rejona ladin

L’é scomenzà l “II° Trofeo Ladino-Elite 2018”, 6 partides anter squadres ladines per se verteèr en vista de la sajon
L’é pontà via la seconda edizion del tornoi ladin de hockey, competizion che tol ite la trei squadres ladines HC Gherdëina, SG Cortina e Fassa Falcons. En vender ai 10 de aost se à jià la pruma partida del tornoi, anter Gherdena e Cortina, con i ampezegn che se à vadagnà i prumes ponts.
Duta la squadres les é amò dò a chierir la miora preparazion atletica e na bona chimica de squadra, e no les é amò al complet con l marcià di jiadores che é amò avert.

Va inant l marcià ence per i Falcons

Endèna ...
media/k2/galleries/7847/thumbs/anna_2.jpg
31 de messel 2018

Gran récord por la gazela marora

Anna Pedevilla: pröm post al Südtirol Ultra Sky Race 2018, na gara de 121 km cun 7.500 m de deslivel
Cun chësc ultim bel resultat dan otedé ess l’atleta marora d’La Pli messü gní cherdada ai Mondiai tla Scozia, mo nia da nen fá: a livel nazional pel che al vales d’atres "regoles" co i bogn resultac de atletes y atlec. I titui da pröma indere, cun chësc ultim récord tla gara südtiroleja, ne pó degügn ti tó a Anna Pedevilla che salta - sciöche ara dij - "deache al me sá bel, y nia por ester miú co i atri!".

Deplü tla ediziun de La Usc stampada da en vëndres!

media/k2/galleries/7813/thumbs/Schermata_2018-07-26_alle_10.20.49.jpg
29 de messel 2018

DoloMyths Run: na edizion straordenèra

L president del Comitat de endrez Diego Salvador ge sporc l develpai a duc i colaboratores.
La rejona norvegeis, amàncol per chel che vèrda la classifica di atlec de ic, la DoloMyths Run Skyrace stata en domenia ai 22 de messèl. L venjidor l’é stat Stian Angermund Vik da Bergen che dò na gara ezelenta l’à passà via al travert de Cianacei l compagn, semper de la Norvegia, Stian Overgaard Aarvik, più joen de undesc egn. Se trata de la pruma venta de n norvegeis ma ence de la pruma outa sul podie de Nadir Maguet de la Val d’Aosta, che à coret ensema a l’amich Davide Magnini per gran pèrt ...
media/k2/galleries/7797/thumbs/37644900_989924971189375_6300559608385634304_n.jpg
25 de messel 2018

Vertikal Col de Lana dei record

El sloveno Luka Kovacic e la svizera Viktoria Kreuzer i a fat signé i nuos meio temp de categoria.
Sesta edizion dei record per la Vertikal Col de Lana. El sloveno Luka Kovacic e la svizera Victoria Kreuzer i a signé i doi nuos meio temp de categoria endriomán con 33:19 e 39:48. Le gran ploie del vender e de la sabeda no i à ruiné el teriol che va adërtasu da La Plié a la ponta de Col de Lana, ulache da siech agn encà atlec da deplù paisc i se sfida nte la specialité de le Vertikal. A l’edizion de sto ann ava fat a savei de volei ester inom de aut livel, come el cadorin Manuel De Col, che ...
media/k2/galleries/7759/thumbs/foto2_ladins.jpg
16 de messel 2018

"Europeada 2020": preparatifs

I "Ladins" a Lags (tod. "Laax") ti Grijuns por recordé i 5 agn dla lia CBR y pié ia cun i preparatifs por se presenté bun te dui agn
Ai 7 de messé 2018 él gnü festejé ti Grijuns a Lags i 5 agn dla CBR (Cultura Ballapé Rumantsch) che é l’organisaziun dla scuadra dl palé di ëi y dles ëres dl Ciatun Grijun.

Te chësta ocajun él ince gnü recordé i 10 agn dla Europeada, che ê gnüda organisada le pröm iade tl 2008 avisa ti Grijuns.

La CBR á invié por festejé chësc avenimënt la scuadra ladina maschila a na partida amicala y festa culturala. Ince les ëres rumantsches á soghé chël de cuntra la scuadra dles ëres Sorbes tla Germania. La ...
media/k2/galleries/7707/thumbs/Schermata_2018-07-05_alle_10.22.14.jpg
11 de messel 2018

Gabriele Depaul, campion talian!

L Team Spacebikes à avent l titol del campionat talian Team Relay te la categorìa Master amatori con la stafeta, olache l coridor fascian à abù na gran pèrt per fèr avenjer sia squadra.
Na stafeta coreta te la Val Casies (BZ) da Lorenzo Guidi, Beatrice Balducci, Ivan Zulian e Gabriele Depaul. L’atlet fascian é partì desche prum e ultim stafetista e l ge à dat na gran man a sia squadra con na prestazion maraveousa. N gran resultat dò chel jà vadagnà te la Bmw Hero Sudtirol Cup.
Dò chesta bela prestazions, l’é ruà ence na desfata te l’ultima garejèda de Campionat Talian Marathon, con Depaul che à cognù se ritirèr dant del travert a cauja de problemes fisics. 

media/k2/galleries/7724/thumbs/IMG-20180709-WA00041.jpg
10 de messel 2018

Anna, récord ala Ciadinac/Scilier

L’atleta dles maratones estremes d’La Pli de Mareo á desfiré döes gares de "skymarathon" te sis dis, davagnan la gara südtiroleja de 44,7 km
Por Anna Pedevilla da La Pli de Mareo él sté na edema de gares dër sfadioses. Metü man ára ai 01/07 tla Valtellina, plö avisa a Corteno Golgi cun la "Skymarthon Sentiero 4 luglio", öna dles gares plü conesciüdes tla Talia. Chiló él dagnora n gran numer de altec de livel alt che tol pert. Al é na skymarathon dër tecnica, cun tröc toc olache an mëssa dër mëte averda da ne tomé nia por le gran ert che é dles perts jö. Al é ince toc olache an mëssa arpizé, sides söpert co jöpert. La gara mostra sö ...
media/k2/galleries/7698/thumbs/Schermata_2018-07-05_alle_09.19.14.jpg
10 de messel 2018

Mattias Rosso terzo ai campionac taliegn

L joen da Soraga à garejà a la cross country de Chies d’Alpago. So compagn de squadra Luca Vuerich da Poza l’é ruà 14°.
Se à serà sù en domenia al prum de messèl l campionat talian de cross country a Lamosano de Chies d’Alpago de Belun tel Venet. Trei dis de garejèdes de roda da mont resservèdes a la categorìes de Esordienc e Arlieves. Se à tacà ite en vender con l campionat talian XCE (cross country eliminator), la sabeda l’é stat i Internazionèi de la Tèlia Series e la domenia la gran finèla con l’assegnazion di titoi taliegn.
L percors de la garejèda l’era belebon lonch con 4778 metres e 183 metres de dislivel ...
media/k2/galleries/7720/thumbs/Bildschirmfoto_2018-07-09_um_16.35.56.jpg
09 de messel 2018

Mondiai tla Ruscia: indoman le duel vijin

La pröma partida tla semifinala de chisc Campionac dl monn dl palé porta i inoms Francia y Belge.
Indoman mertesc dales 20:00 sogará a San Petersburch la Francia cuntra le Belge. Dodoman la medema ora saral spo tl stadium Lusnichi a Moscau la secunda partida de semifinala: Croazia cuntra Inghiltera.
En sabeda dales 16:00 saral spo a San Petersburch la partida por le terz post, en domënia dales 17:00 la gran finala tl stadium dla capitala Moscau danter les döes scuadres davagnadësses dles semifinales.

media/k2/galleries/7693/thumbs/dolomitica-brenta-bike-900x425.jpg
09 de messel 2018

Costion de “Direzion”: scalifiché de 25!

En domenia al 1 de messèl l’é stat la Dolomitica Brenta Bike, garejèda de roda da mont che fèsc pèrt del Zircuit Trentin.
Cognea esser na giornèda de festa, descheche semper cognessa esser canche se vif moments de sport, chela de domenia prum de messèl, canche se à coret la Dolomitica Brenta Bike. Enveze na, pec menuc dò l travert se fossa vegnui a saer de na neva vergognousa, na neva che ge à cambià l’umor ai atlec e a chi che é pascioné de chest sport.

Vardon de jir con orden. L ciel l’era brun, l soreie jà belebon aut e i atlec era vertesc a pontèr via da Pinzolo per se jièr l resultat su n percors de 55 ...