Da Anpezo a Capo Nord: 5.750 km fai co la roda

Data

10 de otober 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Chesta la esperienza che l joven anpezan Nicolò Menardi l à sarà via sti di passai.

21 agn, la scola ruada e tanta voia de cugnesse l mondo: chest chel che l à portà Nicolò Menardi a volè ruà ntel luoch pi a nord de duta Europa con sue sole forze, nten viaz che pervedeva de sparagné pi che l podeva e de vive a la giornada. Na prova de soravivenza sun n percors de cuaji 6000 km fat nte cuater mes, n viaz che l à fat da sol fin a Regensburg, ma che da ilò navant l à fat con Pierre Mouterfi, n amigo todesch cugnessù nten viaz fat n Thailandia calche temp davant. Ruà a Capo Nord l 05 de otobre passà, incuoi Nicolò l é tornà a Majon, frazion de Anpezo ulache l vif. Proprio davant de jì a ciapà l aereo, noi de la Usc sion stai bogn de descore con el e de se fà contà n curt sta sua particolare esperienza.

Nicolò, juoba passada t'as arjont Capo Nord, ulà esto ades de bel?
Incuoi (lunes, ndr) son a Narvik, ntamez a le mont norvegeji da ulache po daremesdì montarai su na coriera che me portarà a ciapà l'aereo per ester doman a cesa.

Da ce ela peada via l'idea de ruà ntel luoch pi a nord de l'Europa?
L'idea la m'é vegnuda intant n viaz che ai fat n Laos. Ilò ai pensà che, darè avè girà per Asia e Australia, m'avarave inca piajù fà n viaz n Europa. De chest, e de l'idea de ruà a Capo Nord, son ruà a descore con Pierre Mouterfi, n amigo che ave cugnessù n Thailandia e el l s'à perferì de vegnì con mi. El l é todesch, de Regensburg, e cussì on fat fora che l avarave arjont lassù.

(Ciataré duta l'intervista fata a Nicolò nte La Usc de vender 13 de otobre)

 (Giulia Tasser)