N “Fashion Weekend” dut sul vert

Data

06 de dezember 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Verda de color, ma verda incia per l'atenzion a le mont e a sua ecologia: chesta la edizon 2017 del Cortina Fashion Weekend.




Ruà oramai a sua setima edizon, l Cortina Fashion Weekend de sto an l se intenjarà de vert. Dai 7 ai 9 de dizembre difati trei sarà le giornade de moda, shopping, mujiga, conferenze e divertiment che la val de Anpezo la organizarà per daurì sta sajon da d'invar che bele per come che l'à metù man co na nef bela biencia la somea ester una de chele bone, da segné e regordà sul lunare. Per savè valch de pi su come che sarà la edizion de sto an on fat na ciacolada con Franco Sovilla, president de Cortina for us, l'associazion che sturta auna le atività de la val de Anpezo e che la é a cef de sta scomenzadiva.


Sovilla, na edizion chela de sto an del Cortina Fashion Wekend che la sarà intenta de vert, parcé sto color?
L color che jirà cotant st'invar ma incia per l an che ven l é proprio l vert. Chest no l é demà n color luminos, ma l é incia chel che l pi de le ote l ven metù auna a scomenzadive che và auna al ambient e al vive san e proprio per chest on deziso de mete auna a sto color conferenze e scomenzadive che ota del vars del ambient e del vive saurì. Per chest l vert sarà l color prinzipal nte ogni botega e local che che sarà auna a la scomenzadiva. Le vedrine, i tapeti, ce che mai l sarà vert.

(Ciataré duta l'intervista fata a Franco Sovilla nte La Usc de juoba 7 de dizembre)