Taca la scola per i scolees de Fascia

Data

10 de setember 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Chest an i é 1.384 i studenc spartii fora sui desvalives livìe. Intervista a la sorastanta Mirella Florian.

Doman, en lunesc ai 11 de setember, l’é l prum dì de scola per i scolees de Fascia. Chest an i studenc i é en dut 1.384 spartii fora anter 131 a la scolines de Cianacei, Pera e Soraga; 525 a la populères; 329 a la mesènes e 399 a la scola auta. Chest an i studenc troarà desvaliva neves: apede a vèlch mudament de ensegnant, sarà ence novitèdes te l’endrez e te la strutures. Aon rejonà con la sorastanta Mirella Florian che à metù dant l nef endrez per chel che vèrda i studenc del Ski College e Giacia Scola, l bon éjit del projet de auta formazion, de l’alternanza scola-lurier e de la setemènes linguistiches.

De bela neves ence per chel che vèrda i ensegnanc ajache l’é stat metù de ruol trei neva maestres: Anna Dellagiacoma e Cinzia Ganz te la populères e Luciana Sandbichler per l’ensegnament de l’ingleis. Neves spazies l’é a la leta per l liceo artistich ajache l’Anffas l’é se n jit dal frabicat de la scola mesèna, endèna che se speta che vegne sturtà sù i lurieres de la veia scola d’èrt. Tramudamenc é pervedui tel davegnir ence per i scolees de la populères de Poza.

La sorastanta Florian ne spiega ence del projet de ensegnament de “la relazion de genere”.

De più su La Usc nr 35 de en vender ai 8 de setember del 2017.

 (Monica Cigolla)