Setemèna de la geologìa te Fascia

Data

12 de setember 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Enscin a en sabeda vegn metù a jir na lingia de scomenzadives endrezèdes da la Cordanza per l Patrimonie naturèl.

“Dolomites, patrimonie da viver” l’é l titol de la Setemèna de la geologìa endrezèda chisc dis te Fascia da pèrt de la Cordanza per l Patrimonie naturèl/Rete di Riserve de Fascia con la colaborazion del MUSE – Museo de la Scienzes, l Museo Geologich de la Dolomites de Pardac e etres desvalives enc.

Da anché enscin ai 16 de setember vegn proponet raides, laboratories e scontrèdes con profescionisć per cognoscer l teritorie dolomitich. L’é esperc de geologìa e paleontologìa, studiousc di giacees, menacrepes e pascioné de la mont e la scontrèdes les vegn fates te dut l Trentin fin via te Ampez e tel Ciador.

Te Fascia vegn endrezà trei moments:

anché, mèrtesc ai 12 de setember da les 21 te teater de Ciampedel l’é Christian Casarotto del MUSE che rejona de “La Marmolada e il suo ghiaccio”.

En mercol ai 13 de setember da les 9.30 sun Col Margherita l’é na raida con l geologh Claudio Valle (se cogn se scriver ite dantfora: 331.9938100; perla@visitmoena.it) e en vender ai 15 de setember h. 9 al Bar Diga sun jouf de Fedaa l’é na raida “Ai piedi della Marmolada” fin sun Col di Bousc con Christian Casarotto e i menatroes de Fascia (info e prenotazions ti ofizies "sport check point" de Fascia, 340 1147382 info@fassasport.com - www.fassasport.com)

Per n saer de più sun duta la scomenzadiva vijitèr l sit internet (www.reteriservevaldifassa.tn.it).