Convegn de la Sat a Moena

Data

21 de setember 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En sabeda ai 23 de setember vegn rejonà de mudamenc climatiches e vardà fora l document “Le Tesi di Moena” metù jù jai diesc egn sun chest argoment emportant.



Del 2007, endèna l 113° congress anuèl, la raprejentanzes del Cai (Trentin, Sudtirol e Friul) e de l’Alpenverein les era vegnudes a Moena per rejonèr con la Sat di problemes leé al mudament climatic. A la fin de l’apuntament l’era stat enjignà n document, “Le Tesi di Moena” olache l’era stat metù jù, te diesc arees spezifiches, linies de comportament per ge dèr de contra al smaorament del tempram mesan de nosc pianet e dèr mesures de adatament.

Le Tesi de Moena les à abù ressonanza no demò tel mondo alpinistich, ma ence te pèrt de desvalives enc provinzièi e nazionèi.

Dò diesc egn, ades i document l domana na giusta riflescion e n prezis agiornament.

En sabeda ai 23 de setember da les 14.30 te sala grana de la scoles de Moena l convegn de la Sat vegnarà donca dedicàa l’argiornament de Le Tesi di Moena.

Al convegn pel tor pèrt duc e sarà na lingia de esprec che analisarà vigni argoment tratà tel document a chel che vegnarà fat i mudaments conscidré de utol.

L program perveit l salut del president de la Sat de Moena Gilberto Bonani, de l’autoritèdes desche l president generèl del Club Alpin Talian Vincenzo Torti e l’assessor provinzièl al turism Michele Dallapiccola e na relazion del president de la Sat Claudio Bassetti.

Vigni relator l’à a la leta diesc menuc per portèr dant sia relazions.

Chest l’é l program:

 - Su l’èga a rejonèr l’é Roberto Colombo - enjegner ambientèl, raprejentant de la sociazions ambientalistiches te la comiscion provinzièla de Valutazion impat ambientèl VIA.

 - Su l’agricoltura da mont - Maurizio Odasso – PAN, Pianificazion ambientèla e naturalistica – Trent.

 - Sui ecosistemes - Alessio Bertolli – botanich, vize diretor del Museo Civich de Rorei.

 - Su l’educazion - Vittorio Ducoli – diretor del parch naturèl Panevege – Pale de Sèn Martin.

 - Su energia, sparagn energetich e gestion di refudames - Cristian Ferrari – enjegner ambientèl.

 - Sui giacees - Thomas Zanoner – enrescidor a l’Istitut de enrescida per la Protezion Idrogeologica del Consei Nazionèl Enrescides (CNR – IRPI).

 - Su la pianificazion teritorièla e trasporc - Bruno Zanon, dozent del Dipartiment de enjegnerìa zivila, ambientèla e Mecanica de Trent.

Da les 16.30 dò la relazions vegnarà fat na meisa torona con debatit.

 (vr)