La domenia del Rengraziament

Data

13 de otober 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L temp, la messa ladina ciantada, le sonade de la Musega e le parole di intervenc à empienì i cheres ladins te na bela dì d’uton.

L’aria frescia e l ciel brun de na dì serena da d’uton à saludà duc chi che en domenia ai 8 de otober da doman se à binà te Piaz de Sotegrava a Moena per tor part a la tradizionala Festa del Rengraziament de l’Union di Ladins de Fascia. Orida dal bandieral ladin e da la Musega da Moena, la defilada con i Scizeres de Fascia, i raprejentanc de la Musega Auta Fascia e del Grop de Folclor de Soraga, le autorità e la jent à passà fora l paìsc per ruar su per Troi de Sèn Vile, encornijà dai albres coi colores sgalizenc de l’uton, e dapò te gejia per la messa grana de le 10.

E l’é stat na beliscima messa ladina, ofiziada da don Bruno Daprà, che don Enrico Conci.

Dò messa dedant a l’oratorie se à podù scutar valch bela sonada de la Musega da Moena e ence la salva di Scizeres.

Barbara Fanton, vizepresidenta de l’Union di Ladins de Fascia, à avert i intervenc palesan sia contenteza percheche la Festa del Rengraziament é endò ruada a Moena, olache la era stata endrezada l’ultima outa del 2004. A roda l’é stat l’intervent de l’ombolt Edoardo Felicetti, la Procuradora Elena Testor , ’assessor Bepe Detomas, l president de l’Istitut Cultural Ladin, Antone Pollam e l president de l’Union Fernando Brunel.

De più su la Festa del Rengraziament se pel l lejer su La Usc di Ladins de vender ai 13 de otober.

 (lg)

Galaria retrac