Le Schuhplattlerinnen a “I Soliti Ignoti”

Data

13 de otober 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dò la partezipazion di Schuhplattler a Canale 5, insnet la bezes da Fascia sarà ghestes a la trasmiscion de Amadeus sun Rai 1.

I gropes folcloristics fascegn no lascia mai de maraveèr. Dò la grignèdes coi Schuhplattler che insera a “Chi ha incastrato Peter Pan?” i à fat balèr Luca Laurenti, insnet (vender ai 13 de otober) le Schuhplattlerinnen de Fascia les é a “I Soliti Ignoti”, trasmiscion de Amadeus sun Rai 1 da les 20.40.

La puntata che jirà en ona anché la é stata registrèda al teatro Rai tel zenter de Roma en jebia ai 5 de otober e con la vertola del viac la bezes les à tout l’ocajion per fèr ence na vijita de dotrei dis te la capitala.

A jir jù l’é stat Francesca Debertol da Cianacei, Martina Messner da Pera, Giulia Compagnoni da Moena, Silvia Favé da Vich/Ciampedel e Sandy Pellegrin e Lucia Moar da Soraga.

“En pratica – ne à contà Francesca – i ne à chiamà da la trasmiscion. I à domanà se una de nos aessa podù tor pèrt desche personaje “ignoto” e chest l’é fat gé. A la fin l concorent l’à endoinà e te chela te studie l’é stat fat vegnir fora duta l’autres per na ejibizion. L sonador no l’à podù vegnir con nos e se aon fat fèr n cd da Radio Studio Record. L’é stat dalbon na bela esperienza”.

Donca, amisc ladins, no ve perdé la trasmiscion de inché con le Schuhplattlerinnen de Fascia.  (vr)