ASUC Vich: fajeve inant!

Data

17 de november 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Te la pruma scontrèda informativa l’envit a duta la jent a se fèr inant per vegnir lité.
Ai 26 de november a Vich l’é l referendum per meter su l’Asuc. Te la pruma de la doi scontrèdes informatives endrezèdes dal Comitat promotor te la sala de consei de comun, stata ai 14 de november, l’é stat uzà fora che duc pel vegnir lité e no demò chi individué dal Comitat promotor.

Enceben che la lege te chesta pruma fasa de costituzion de l’Asuc no la consente de fèr listes, l’é stat ampò dezidù de ge dèr l met a duc i sentadins con più che 18 egn, enteressé a fèr pèrt del Comitat de Aministrazion, de jir al più prest te comun aló da l’ofize anagrafe a palesèr sia desponibilità e dèr jù sie inom.

Recordon che chesta istituzion la é de gran emportanta ajache la ge dèsc l met a la jent da Vich de seghitèr a gestir sie teritorie, donca de se cruzièr de la manutenzion de la strèdes, di troes, de la pèrt de legna e c.i..

Ai 23 de november sarà la seconda scontrèda informativa da mesa les 9 da sera te sala de consei de comun de Vich e chiò sarà amò l met de se descorer e se deschiarir la idees en cont de chesta cernuda emportanta per l paìsc.