Jone a far comedia?

Data

17 de november 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L grop di Amisc del Teater da Moena se à sproà te n’autra bela comedia duta da grignar.

L’é stat n auter gran bel suzess chel de la Filodramatica “Amisc del Teater” da Moena che en ocajion de si 20 egn de atività à metù en scena n’autra gustegola comedia dal titol “Jone a far comedia?”, adatament personal de “Pochi ma boni” de Loredana Cont.

Te chesta neva comedia l’é da uzar fora la bela interpretazion de valch ator jà cognosciù de la Filo desche Gunther Pezzè del Menuz, Teresa Taliani, Franco Bez, Manuela Chiocchetti del Stupendo, Alex Chiocchetti del Stupendo, Luca Follador e Katia Vender, ma ence chela de le new entry Elisabetta Ganz, Mariagrazia Pellegrin, Cristina Donei del Latanzio, Maddalena Rovisi del Noc e Viola Trottner.

La regìa rencurada e particolara é ence chest’outa de Ilaria Chiocchetti del Pelin che à caraterisà ogne personaje fajan pìcoi e sotii referimenc ence a soa esperienza personala. Valch intuizion pizochenta, la scelta de far vegnir ite i atores da la sala, valch “costrizion” scenografica, serf dut a far garatar l spetacol, a mescedar atores e carateres, a valorisar e enfatisar le interpretazion (e chiò valch ator à dalbon metù al luster na proa ezelenta).

Complimenc a duc per ne aer fat goder e grignar, per l’empegn e la pascion metuda ence chest’outa a enjignar e meter en scena chesta neva comedia.

De più su La Usc stampèda de en vender ai 17 de november del 2017.

 (Monica Cigolla)