Sènta Bèrbola te Fascia

Data

05 de dezember 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Messa, defilèda e radunanza con premiazions per i 6 gropes di Studafech de Fascia. Sorpresa per Mazin che à troà la bandiera del 1911.

Angern, lunesc ai 4 de dezember a Cianacei i studafech te Fascia i se à binà per festejèr Sènta Bèrbola. L decan e pompier ence el, don Mario Bravin l’à dit messa e dò duc ensema te chino de Cianacei per la radunanza vidèda da l’Ispetor Giancarlo Pederiva.

A desmostrazion de la valuta de chisc gropes per duta noscia sozietà l’era desvalives raprejentanc politics de noscia comunanza,: i ombolc Parmesani, Bernard, Dallago, Rizzi e Brunel; la procuradora del Comun general Elena Testor e l’assessor regionèl e conseier provinzièl Giuseppe Detomas.

Te sala ence l nef president de la Federazion trentina Tullio Ioppi.

N moment da emozion l’é stat canche l comandant de Mazin, Fausto Castelnuovo ge à prejentà per la pruma outa al grop e al publich la bandiera di studafech de Mazin datèda 1911. Na sorpresa dalbon grana che testimoniea ofizialmenter che l grop de Mazin l’é nasciù proprio al scomenz del secol passà.

Desche vigni an a la fin de la radunanza l’é stat la consegna di atestac:

15 egn: Silvano Bernard e Ivano Favé - Mazin, Germano Pederiva e Matteo Zanon - Soraga, Alfonso Lorenz – Vich.

20 egn: Francesco Rizzi – Ciampedel; Martino Cassan – Mazin; Annabel Cinzol e Adriano Pederiva – Poza.

25 egn: Graziano Dantone – Cianacei; Filippo Cincelli e Giuliano Fioretti – Poza; Christian Pellegrin – Soraga; Adriano Ghetta e Giancarlo Weiss – Vich.

30 egn: Alessandro Lorenz e Franco Pellegrin – Vich.

35 egn (fiama d’arjent): Rinaldo Bernard, Fausto Castelnuovo e Giorgio Giacomelli – Mazin; Renzo Pellegrin – Soraga; Valerio Lorenz – Vich; Mauro Murer – Vich.

40 egn: Graziano Spinel – Mazin.

Premià ence Otorino Riz per sie gran lurier da tesorier che ades l’é jit en penscion.

 

De più sul contegnù de la radunanza vegnarà publicà te diesc dis, su La Usc de vender ai 15 de dezember.

 (vr)