Stella l’é la pruma nasciuda de Sèn Jan

Data

11 de jené 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La pìcola nasciuda ai 8 de jené la farà pèrt de la storia del nef Comun.
L’é na beza la pruma nasciuda del Comun de Sèn Jan. L’à inom Stella Pescol, la é nasciuda ai 8 de jené del 2018 te ospedèl de Maran, la stèsc a Poza e l’é la pruma fia de Giada Rizzi e Andrea Pescol.

Canche la é nasciuda la pesèa 3,465 chili e la era longia 53 zentimetres.

La giava da pèrt de la mère, Teresina da Valongia del 1930, con la naa de Stella la é doventèda besava.

La pìcola Stella, apede che portèr gran legreza te duta sia familia, la restarà te la storia del nef Comun de Sèn Jan, jit en esser col 1° de jené de chest an.

Apede ai prumes nasciui, l’é bel ence saer chi che l’é stat i ùltimes nasciui ti Comuns de Poza e Vich.

Per l Comun de Vich l’ùltima l’é stat na ela, Camilla Calligari nasciuda ai 11 de otober del 2017 e fia de Linda Salvador e Simone; per Poza l’é stat n el, Stefano Veronesi nasciù ai 22 de dezember del 2017 fì de Sandra Degasper e Alessandro.

 (vr)