L Comun general sostegn i projec sozièi

Data

12 de jené 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ge é stat conzedù n contribut de 30 mile euro a la Crousc Checena per na neva ambulanza.

L Comun general de Fascia l’é semper più vejin al teritorie e sia jent. “Apede ai pìcoi finanziamenc che sion stac bogn de dar fora a la fin de l’an 2017 a chi che ne l’à domanà – à dit l conseier de procura del Comun general - aon scomenzà a dar fora ence maor ressorse a chi che n’aea de besegn per chierir de didar fora dute le coprative soziale de la val. Ge aon dat n contribut straordenar de 30 mile euro a la Crousc Checena de Fascia per se comprar na neva ambulanza. Apenamai che duc arà mìngol più temp vegnarà fat la consegna del contribut al president de la Crousc Checena Mauro Pederiva.

L Comun general à comprà ence n nef meso per i servijes soziai che sarà abilità ence per l trasport de utenc a na vida da ge consentir a dute le responsabole di servijes de entervegnir a na vida più autonoma e asvelta. Col prum de jené del 2018 l’é mudà ence la fegura responsabola de coordenament di Servijes Sozio-Assistenziai: l testamonech l’é passà da Cipriana Tomaselli a Paola Rasom. L Pian Sozial teritorial vegnarà portà a compiment amò da la responsabola da inant Tomaselli, per chisc prumes meisc sarà donca na sovraposizion de competenze per permeter n passajes più sorì che l’é meso zenza crear problemes ai servijes soziai.”

Su La Usc di Ladins di 12 de jené podede lejer de più sui entendimenc del conseier de procura al sozièl del Comun general Gianluigi De Sirena.

 (mci)