Prum bilanz per la Rurala dò la fujion

Data

27 de auril 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Anché domesdì jun Navalge vegn portà dant l resultat de ejercizie 2017 te n clima che somea positif.

L’é passà 5 meisc da l’ùltima radunanza ordenèra chiamèda ite da la Cassa Rurala Dolomites de Fascia, Primier e Belun per litèr la encèries sozièles. Anché, vender ai 27 de oril, i passa 8000 sozi de la neva realtà de banca se bina endò da nef tel zenter polifunzionèl de Navalge da mesa les 6 da sera (chi del Primier tol pèrt en videoconferenza) per aproèr l prum bilanz dò la fujion.
Vedon dantfora vèlch dat che ne é stat portà dant sun chest prum resultat de ejercizie di doi Istituc de credit ensema, che vegn portà dant anché domarena. L patrimonie rua béleche a 70 milions de euro, la regoeta en dut passa via i 900 milions e i finanziamenc rua a passa 600 milions.
La neva Cassa à metù a jir na gestion ascorta e prudenta tel credit, a na vida da arjonjer dac segnificatives, più auc che chi de la media del sistem.
L’ùtol con ite la impostes passa via i 3.800.000 euro, con n increment sensìbol respet a l’ejercizie 2016.
No l’é mencià i intervenc sul teritorie a favor de sociazions, volontariat e basa sozièla, che en dut del 2017 i é rué a presciapech 840.000 euro.
Duc chisc dac vegn uzé fora tel detai endèna l’apuntament sozièl de anché domesdì, ai 27 de oril jun Navalge.