La Rurala Dolomites sera l prum bilanz en atif

Data

12 de mei 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’ejercizie serà sù ai 31 de dezember del 2017 l’à portà dant n resultat positif, i standard de segureza é stac respeté e adertura mioré dant dal temp.

Prum bilanz per la Cassa Rurala Dolomites de Fascia, Primier e Belun.

En vender passà ai 27 de oril i sozi, prejenc de 764 con 177 deleghes, aló dal zenter de Navalge e en videoconferenza te l’Auditorium de Transacqua, i à aproà l resultat de l’ejercizie che se à serà sù ai 31 de dezember con n ùtol net de béleche 3 milions de euro.

L president Carlo Vadagnini, dò aer rejonà de coche va l’economìa en generèl, l’à metù al luster la fona atività de agregazion, condivijion e organisazion che la fujion à domanà, n empegn senester per via de la reforma del mond del credit, ma che ampò l’à dat si fruc envian via la banca sul dret troi.

La neva Cassa l’à lurà tel segn de la prudenza e con realism ma l’à seghità a ge stèr apede ai sozi e al teritorie: l’é stat defat destinà a chest setor passa 840.000 euro.

L’é stat l diretor generèl Luciano Braito a jir tel detai di dac del bilanz. 

La neva Cassa dombra credic per 622.000 euro respet ai 355.000 de chela de Fascia, ai 31.000 clienc en dut (26.000 persones e 4.000 enc) ge é stat conzedù 116 milions de nef credit anter mutui e autra formes de finanziament, l credit en dificoltà l’é passà da 163 a 140 milions: a chest propòjit l’é da uzèr fora che l tas de copertura l’é passà dal 38 al 47%, chest miorament l’era stat pervedù per l 2019 ma l’é jà stat arjont.

La relazion del diretor se à serà sù con na veièda a la prospetives per l davegnir e a la previjions per l bilanz 2018.

Anter i ponc a l’orden del dì l’era ence da litèr l president del Colege di Probiviri: te chesta encèria l’é stat confermà l dotor Ruggero Carli de la Federazion Trentina de la Cooperazion.

Se pel lejer de più sul numer 18 de La Usc di Ladins.