Moena: bilanz dò l'agajon

Data

12 de messel 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dò na setemèna se fèsc la pruma stimes del dan. Ades ge vel meter en segureza l teritorie

L piec l’é encomai passà per l paìsc de Moena. I segnes de la gran agajon de en mèrtesc ai 3 de messèl no se i veit béleche più te paìsc, de gra al lurier de sacotenc volontadives che per 4 dis i à lurà dì e net per neteèr e lavèr demez la mauta. I é resté enveze tel cef de la jent che à vivù chi momenc e su la strutures olache ge é ruà daìte l’èga.

En vender ai 6 de messèl l minister Riccardo Fraccaro l’é ruà a Moena dessema al Comissarie del goern Pasquale Gioffrè e a la senatora e procuradora Elena Testor. I é jic fora per l paìsc per controlèr la situazion ma ence per fèr sentir la vejinanza del Goern ai sentadins e per ge portèr n messaje positif ai turisć. A ge dèr l benvegnù a la delegazion de raprejentanc nazionèi l’é stat l’ombolt e vize procurador Edoardo Felicetti, che dapò li à ence compagné te Comun general de Fascia.

Dò na setemèna se taca a fèr la pruma stimes del dan. En vender passà la Jonta de la Provinzia de Trent à aproà l stat de calamità naturèla che consent che ge vegne refonù l dan ai privac e al Comun. L’é na declarazion che serf ence per poder seghitèr coi intervenc per meter en segureza l teritorie.

Ne à contà zeche de più l'ombolt de Moena Edoardo Felicetti su La Usc stampèda en vender ai 13 de messèl


 (Monica Cigolla)