Giacomo Gabrielli produtor de na neva serie per chino

Data

18 de messel 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’é tacà ite chisc dis passé la registrazions te Fascia e Fiem del nef lurier cinematografich del regist da Moena.

Fascia e si ciantons più sugestives é endò i protagonisć de na serie cinematografica. Les é tachèdes ite en sabeda ai 7 de messèl la registrazions de la neva “cine-serie” tel lengaz ingleis dal titol “Whitefall” del regist, scenegiator e produtor fascian Giacomo Gabrielli, patron de la Filmart da Moena. N projet esclusif e ambizious che anter si obietives l’à chel de fèr cognoscer i scenaries naturèi de Fascia e Fiem, no col classich documentèr ma con n’opera cinematografica de fantasìa.

“Whitefall” l’é na serie de 11 episodies per ingleis ambienté te n Paìsc descognosciù de l’Inghilterra, ma touc jù duc te nosc teritorie: tel scito “Cascata” de Ciavaleis, sul jouf del Manghen, sun Sèn Pelegrin, tel Comun de Soraga, te chel de Moena e con n passaje ence ló da le Piramidi de Segonzan e te la Val de Cembra. Chest film de Gabrielli l’é n mistery-thriller, ence se l’é scenes destinèdes a n publich de ogne età.

La serie cinematografica conta l’aventura de doi giagres de trafugo che se à perdù tel bosch e no é più bogn de se troèr fora. La pèrt di protagonisć é interpretèda da doi atores che é cognosciui tel mond del chino e de la televijion: l profescionist de naa albaneisa Rimi Bequiri e l fascian Igor Bonelli che à jà lurà ence te la serie “Un Passo dal Cielo” con Terence Hill. Duc doi con “Whitefall” se met a la proa te sia pruma pèrt da atores protagonisć assoluc te na serie cinematografica.

De più su La Usc stampèda en vender ai 13 de messèl

 (mci)