Zacan duc madures!

Data

19 de messel 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
De bie resultac a la Scola Ladina de Fascia, che ence per chest an sera via i ujes per l’istà. Vèlch ezelenza ence anter i studenc fascegn forin Fiem.

Baticher, tricola, gaissa e fosc ence mìngol de tema… n mix de emozions à caraterisà chisc ultimes tempes per i studenc de l’ultim an de scola auta, che se enjignèa a serèr sù n capitol de sia vita.

I é stac 76 i studenc di Licees Ladin di Lengac, Scientifich e Artistich de Fascia che se à dat jù per chest ejam emportant: passa n terz (28) de chisc bec e bezes é stac bogn de arjonjer na valutazion finèla anter 80 e 90/100, de 19 i à otegnù n resultat anter 60 e 70/100 e de 18 anter 70 e 80/100. A passèr l’obietif di 90/100 i é stac de 6 al Scientifich, de 5 al Liceo Ladin di Lengac ma nience un al Liceo Artistich.

De trei studenc é stac bogn de arjonjer 100/100: Sofia Lastei, Ismael Pellegrin e Giulia Volcan, duc e trei del Liceo Scientifich e l’é da meter a luster l resultat de Francesco Gabrielli del Liceo Ladin di Lengac, che l’é stat l student con la valutazion finèla più auta, otegnan l 100 adertura con la lauda.

Ence forin Fiem l’é stat doi studenc fascegn che à arjont resultac de ezelenza: Giacomo Lazzer é stat bon de arjoner l 100 a l’Istitut tecnich Aministazion, Finanza e Marketing de Pardac e semper a Pardac n auter student fascian, Giordano Bernard, é stat bon de arjonjer l 100 e la lauda tel cors da sera de l’Istitut tecnich “Costruzions, ambient e teritorie” (ex geometri).

De più su la strèda che i bec à dezidù de envièr via dò la matura e duc i resultac di studenc de la Scola Ladina de Fascia su La Usc stampèda ai 20 de messèl  (Alison Prinoth)