Jech a risech, n vèrech endò

Data

09 de agost 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I presidenc de CNCA Trentin Sudtirol, de la Sociazion AMA e del Forum de la Sociazions familières domana schiarimenc sul nef emendament de Bezzi aproà dal Consei provinzièl

L’é n emendament che fèsc descorer belebon chel del conseier de Forza Italia Giacomo Bezzi aproà enstadì dal Consei provinzièl per sburlèr de etres 2 egn l’atuazion de la norma provinzièla su l’obligh de spostèr sora i 300 metres dai lesc sensiboi (scoles, scolines, zentres per la jent de età) i locai con slot machine e vtl (slot video lottery). Na norma aproèda del 2015 che metea l Trentin anter i teritories più inant tel temp per aer tout na dezijion desche chesta. I bares o locai con slot machine aea temp fin del 2020 per se meter en regola. Ades l’é stat aproà chest nef emendament e i presidenc de CNCA Trentin Sudtirol Vincenzo Passerini, de la Sociazion AMA Cecilia Dal Rì e del Forum de la Sociazions familières del Trentin Paola Pisoni à manà fora n comunicat per domanèr la rejons de chest vèrech politich.

“Acà trei egn – i disc tel comunicat – aane festejà la lege provinzièla nr 13 che pervedea anter l’auter ence mesures emportantes per smendrèr l marcià del jech a risech sun nosc teritorie. La lege pervedea che dant che passe 5 egn i gestores de sales slot e vtl aessa cognù respetèr la distanzes dai lesc sensiboi. Se la possibilitèdes de jech se pel les troèr sot cèsa, tegnir fora la tentazions l’é dalbon senester. Desvaliva enrescides a livel internazionèl disc defat che la vejinanza ai lesc de jech a risech l’é n fator de risech tel svilup de na dependenza.

Recordon ence l trend del vadagn del jech a risech tel setor de le newslot e vtl; tel Trentin Sudtirol se é passé da 886 milions de euro del 2014 a 898 milions del 2015 fin a 916 milions del 2016. No l’é per nia giust dir donca che l problem del jech a risech l’é raprejentà demò dal jech online, che segur l fèsc cruzièr e l verc neves setores e marcià.


De più su La Usc stampèda en vender ai 3 de aost. 

 (Monica Cigolla)